Webdunia - Bharat's app for daily news and videos

Install App

ഹ്യുണ്ടായ് ക്രെറ്റയ്ക്ക് ശക്തനായ എതിരാളി; മസിലന്‍ ലൂക്കില്‍ പ്യൂഷോ 3008 വിപണിയിലേക്ക് !

ഹ്യുണ്ടായി ക്രെറ്റയ്ക്കും റെനോ ഡസ്റ്ററിനും പുതിയ ഒരു എതിരാളി; പ്യൂഷോ 3008 വരുന്നു

Webdunia
തിങ്കള്‍, 2 ഒക്‌ടോബര്‍ 2017 (14:41 IST)
ഇന്ത്യന്‍ എസ്‌യുവി ശ്രേണിയില്‍ ചുവടുറപ്പിക്കാന്‍ ഫ്രഞ്ച് നിര്‍മ്മാതാക്കളായ പ്യൂഷോ എത്തുന്നു. പ്യൂഷോയുടെ ഇന്ത്യന്‍ ചുവട് വെയ്പ്പിന് മുന്നോടിയായി, സികെ ബിര്‍ല ഗ്രൂപ്പുമായി മാതൃസ്ഥാപനമായ പിഎസ്എ ഗ്രൂപ്പ് കൈകോര്‍ക്കുകയും ചെയ്തു. 2020ലായിരിക്കും പ്യൂഷോ ഇന്ത്യന്‍ വിപണിയിലേക്കെത്തുക. കരാര്‍ അനുസരിച്ച് ഹിന്ദുസ്താന്‍ മോട്ടോര്‍ ഫിനാന്‍സ് കോര്‍പ്പറേഷന്‍ ലിമിറ്റഡാണ് ഇന്ത്യയില്‍ പ്യൂഷോ കാറുകളുടെ വില്‍പനയ്ക്കും വിതരണത്തിനും നേതൃത്വം നല്‍കുക എന്നാണ് റിപ്പോര്‍ട്ട്.   
 
ആഭ്യന്തര ഘടകങ്ങളുടെ പശ്ചാത്തലത്തില്‍ എല്ലാ കാറുകളെയും വില കുറച്ച് വിപണിയിലേക്കെത്തിക്കാനുള്ള നീക്കത്തിലാണ് പ്യൂഷോ എന്നും റിപ്പോര്‍ട്ടുകള്‍ പറയുന്നു. പുറത്തുവരുന്ന റിപ്പോര്‍ട്ടുകള്‍ അനുസരിച്ച് പ്യൂഷോ 3008 എന്ന എസ്‌യുവിയായിരിക്കും പ്യൂഷോയില്‍ നിന്നും ഇന്ത്യയിലേക്കെത്തുന്ന ആദ്യ മോഡല്‍. കാഴ്ചയില്‍ തന്നെ വലുപ്പമേറിയ ഒരു പ്രീമിയം എസ്‌യുവിയാണ് പ്യൂഷോ 3008. അല്പം വേറിട്ട ഹെഡ്‌ലാമ്പ് സ്റ്റൈലിംഗും എല്‍ഇഡി ഡേ ടൈം റണ്ണിംഗ് ലൈറ്റുകളുമാണ് പ്യൂഷോ 3008 ന്റെ മുന്‍‌വശത്തെ പ്രധാന പ്രത്യേകത. 
 
വലിയ എയര്‍ ഡാം, ക്രോം ഇന്‍സേര്‍ട്ടുകള്‍ ലഭിച്ച ഗ്രില്‍ എന്നിവയും പ്യൂഷോ 3008ന്റെ കരുത്തന്‍ മുഖഭാവത്തിന് പിന്തുണയേകുന്നു. ഡ്യൂവല്‍ ടോണ്‍ കളര്‍ സ്‌കീമും ഡ്യൂവല്‍ ക്രോം എക്‌സ്‌ഹോസ്റ്റ് പൈപുകളും 19 ഇഞ്ച് അലോയ് വീലുകളുമാണ് ഈ എസ്‌യുവിയിക്കുള്ളത്. തകര്‍പ്പന്‍ ഇന്റീരിയറാണ് പ്യൂഷോ 3008 ന്റെ മറ്റൊരു ഹൈലൈറ്റ്. പ്യൂഷോയുടെ i-Cockpti ഡിസൈന്‍ തീമാണ് ഇന്റീരിയറില്‍ ഉള്‍പ്പെടുത്തിയിട്ടുള്ളത്. 12.3 ഇഞ്ച് ഡിജിറ്റല്‍ ഇന്‍സ്ട്രമെന്റ് ക്ലസ്റ്റര്‍ 8 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം എന്നിവയും ഇതിലുണ്ട്.
 
ആറ് എയര്‍ബാഗുകള്‍, ഫ്രണ്ട്-റിയര്‍ പാര്‍ക്കിംഗ് സെന്‍സറുകള്‍, പനാരോമിക് സണ്‍റൂഫ്, ഇലക്ട്രിക്കല്‍ ടെയില്‍ഗേറ്റ്, ഹീറ്റഡ് ഫ്രണ്ട് സീറ്റുകള്‍ എന്നിവയും ഈ എസ്‌യു‌വിയിലുണ്ട്. 118 ബി‌എച്ച്പി കരുത്ത് സൃഷ്ടിക്കുന്ന 1.6 ലിറ്റര്‍ ഡീസല്‍ എഞ്ചിനിലും 130 ബി‌എച്ച്പി കരുത്തേകുന്ന 1.2 ലിറ്റര്‍ പെട്രോള്‍ എഞ്ചിനിലുമാണ് ഈ എസ്‌യു‌വി എത്തുക. ആറ് സ്പീഡ് ഓട്ടോമാറ്റിക് ട്രാന്‍സ്മിഷനാണ് വാഹനത്തിലുള്ളത്. ഹ്യുണ്ടായ് ക്രെറ്റ, റെനോ ഡസ്റ്റര്‍ എന്നീ മോഡലുകളുമായായിരിക്കും പ്യൂഷോ 3008 മത്സരിക്കുക. 

അനുബന്ധ വാര്‍ത്തകള്‍

ഇന്ത്യൻ 2 മാത്രമല്ല, ഇന്ത്യൻ 3യുടെയും ചിത്രീകരണം കഴിഞ്ഞു, കൽകിയിൽ അതിഥി വേഷം: കമൽഹാസൻ

ഹാര്‍ദ്ദിക്കല്ല മക്കളെ, ഗുജറാത്തിന്റെ വിജയങ്ങള്‍ക്ക് പിന്നിലെ ബുദ്ധികേന്ദ്രം നെഹ്‌റ: മുംബൈയുടെ പരാജയത്തില്‍ നെഹ്‌റയെ ആഘോഷിച്ച് നെറ്റിസണ്‍സ്

കാമുകന്‍ സിനിമയില്‍ നിന്ന്, പറയാതെ പറഞ്ഞ് ശ്രദ്ധ കപൂര്‍, ആള് ആരാണെന്നോ..

കരളിലെ കൊഴുപ്പു കുറയ്ക്കാന്‍ വ്യായാമം എത്ര സമയം ചെയ്യണം

ശിവരാത്രിയുടെ ഐതീഹ്യങ്ങൾ അറിയാമോ?

ഇപിയോട് മാത്രമല്ല, കേരളത്തില്‍ നിന്നുളള എല്ലാ കോണ്‍ഗ്രസ് എംപിമാരുമായും ചര്‍ച്ച നടത്തിയിരുന്നതായി പ്രകാശ് ജാവദേക്കര്‍

മണിപ്പൂരില്‍ സുരക്ഷാ സേന ക്യാമ്പിന് നേരെ തീവ്രവാദി ആക്രമണം: രണ്ട് സിആര്‍പിഎഫ് ജവാന്മാര്‍ കൊല്ലപ്പെട്ടു

തൃശൂരില്‍ മൂന്നാം സ്ഥാനത്തേക്ക് പോകാന്‍ സാധ്യത; 'സുരേഷ് ഗോപി ഫാക്ടര്‍' ക്ലിക്കായില്ലെന്ന് ബിജെപി വിലയിരുത്തല്‍

Lok Sabha Election 2024: സംസ്ഥാനത്തെ പോളിങ് 71.16 ശതമാനം, ജില്ല തിരിച്ചുള്ള കണക്കുകള്‍ നോക്കാം

Rahul Gandhi: അമേഠിയില്‍ രാഹുല്‍ തന്നെ; ജയിച്ചാല്‍ വയനാട് വിടാന്‍ ധാരണ

അടുത്ത ലേഖനം
Show comments