എതിരാളി ആപ്പിളാണ്; സാംസങ് ഗാലക്‌സി നോട്ട് 8 പ്രീ ബുക്കിങ് തുടങ്ങി

ആഗോള ഭീമന്‍‌മാരായ ആപ്പിള്‍ 8നെ നേരിടാനുറച്ച് സാംസങ്. ഗാലക്‌സി നോട്ട് 8നായുള്ള പ്രീ ബുക്കിങ് ഇന്ത്യയില്‍ ആരംഭിച്ചു. സാംസങ് ഇന്ത്യയുടെ വെബ്‌സൈറ്റ് വഴിയാണ് ബുക്കിങ്.

സെപ്റ്റംബര്‍ അവസാനത്തോടെ ഗാലക്‌സി നോട്ട് 8 ഫോണുകള്‍ വില്‍പനയ്‌ക്കെത്തുമെന്നാണ് റിപ്പോര്‍ട്ട്. ഈ മാസം 12ന് പുറത്തിറങ്ങുന്ന ആപ്പിള്‍ 8 നെരിടാനാണ് സാംസങ് പുതിയ മോഡലുമായി രംഗത്ത് എത്തിയിരിക്കുന്നത്.

അതേസമയം, ഫോണിന്റെ വില സംബന്ധിച്ചുള്ള കൂടുതല്‍ വിവരങ്ങള്‍ പുറത്തുവന്നിട്ടില്ല.

സാംസങ്ങിന്റെ ഏറ്റവും പുതിയ സ്മാര്‍ട്ട്ഫോണ്‍ ഗാലക്സി ജെ 7 നേരത്തെ അവതരിപ്പിച്ചിരുന്നു. ഡ്യൂവല്‍ പിന്‍ ക്യാമറയുമായാണ് ഈ ഫോണ്‍ എത്തിയിട്ടുള്ളത്. ആന്‍ഡ്രോയ്ഡ് 7.1.1 ന്യൂഗട്ടില്‍ പ്രവര്‍ത്തിക്കുന്ന ഈ ഫോണിന് ഏകദേശം 25,000 രൂപയായിരിക്കും വിലയെന്നാണ് റിപ്പോര്‍ട്ടുകള്‍ പറയുന്നത്.