സോണിയെ കെട്ടുകെട്ടിക്കാന്‍ അത്യുഗ്രന്‍ സ്മാര്‍ട്ട്ഫോണുമായി വയോ !

സോണിയോട് പൊരുതാന്‍ അത്യുഗ്രന്‍ വയോ സ്മാര്‍ട്ട്‌ഫോണ്‍

ഇക്കാലത്തും സോണിയുടെ വയോ ലാപ്‌ടോപുകള്‍ ഉപയോഗിക്കുന്നവര്‍ ഒരുപാടുണ്ട്. കുറച്ച് നാളുകള്‍ക്ക് മുമ്പാണ് വയോ ലാപ്‌ടോപ് എന്ന വിഭാഗം സോണി വിറ്റഴിച്ചത്. എന്നാല്‍, പുതിയ ലാപ്‌ടോപുകള്‍ക്ക് പിന്നാലെ വിന്‍ഡോസ് സ്മാര്‍ട്ട് ഫോണുകളുമായി വയോ രംഗത്തെത്തിയപ്പോള്‍ അതുകൊണ്ടു കഴിഞ്ഞെന്ന് കരുതിയാണ് സോണി ആശ്വസിച്ചത്.എന്നാല്‍, വീണ്ടും ഒരു തകര്‍പ്പന്‍ ആന്‍ഡ്രോയ്ഡ് ഫോണുമായാണ്  വയോ ഇപ്പോള്‍ എത്തിയിരിക്കുന്നത്. 

വയോ ഫോണ്‍ എ എന്ന പേരിലെത്തിയിരിക്കുന്ന ഈ ഫോണില്‍ 5.5 ഇഞ്ച് ഫുള്‍ എച്ച്ഡി സ്‌ക്രീന്‍ ഡിസ്‌പ്ലേയാണുള്ളത്. സ്‌നാപ്ഡ്രാഗന്‍ 617 പ്രൊസെസ്സര്‍, 13 മെഗാപിക്‌സല്‍ ക്യാമറ, 2800എം എ എച്ച് ബാറ്ററി എന്നിവയും ഫോണിലുണ്ട്. സോണി എക്‌സ്പീരിയ ഫോണുകളുടെ അടുത്തെങ്ങും എത്തില്ലെങ്കിലും വയോ എന്ന ബ്രാന്‍ഡില്‍ ആന്‍ഡ്രോയ്ഡ് ഫോണ്‍ വിപണിയിലെത്തുന്നത് സോണിക്ക് അത്ര സന്തോഷകരമായിരിക്കില്ല എന്നാണ് സൂചന.