ഓണം സീസണിലെ മദ്യവില്‍പ്പനയില്‍ ബീവറേജസ് കോര്‍പ്പറേഷനു റെക്കോര്‍ഡ് വരുമാനം

മദ്യത്തില്‍ മുങ്ങി ഓണം

ഇത്തവണത്തെ ഓണം സീസണിലെ മദ്യവില്‍പ്പനയില്‍ ബീവറേജസ് കോര്‍പറേഷനു റെക്കോര്‍ഡ് വരുമാനം. കഴിഞ്ഞ വര്‍ഷം ഓണക്കാലത്ത് വിറ്റതിനേക്കാള്‍ 102.66 കോടി രൂപയുടെ അധിക മദ്യമാണ് ഇത്തവണ വിറ്റുപോയത്. 

കഴിഞ്ഞ ഓഗസ്റ്റില്‍ 1023.95 കോടിയുടെ മദ്യമായിരുന്നു വിറ്റുപോയത്. എന്നാല്‍, ഇത്തവണ അത് 1126.66 കോടിയായി ഉയര്‍ന്നു, 10.03% വര്‍ധനവ്. കഴിഞ്ഞ വര്‍ഷം തിരുവോണനാള്‍ വരെ ഒന്‍പതു ദിവസംകൊണ്ടു 450.02 കോടിയുടെ മദ്യമാണു സംസ്ഥാനത്തു വിറ്റത്.