പാമ്പുകളെ തലോടിയും കൈയ്യിലെടുത്തും പ്രിയങ്ക ഗാന്ധി- വൈറൽ വീഡിയോ

റായ്ബറേലിയില്‍ പ്രചാരണത്തിനിടെ പാമ്പുകളെ കൈയിലെടുക്കുന്ന എഐസിസി ജനറല്‍ സെക്രട്ടറി പ്രിയങ്ക ഗാന്ധിയുടെ വീഡിയോ സോഷ്യല്‍ മീഡിയയില്‍ വൈറലാകുന്നു. പാമ്പാട്ടികളുമായി വിവരങ്ങൾ ചോദിച്ചറിയുന്ന പ്രിയങ്ക ഇതിനിടയിൽ പാമ്പുകളെ കൈയിലെടുക്കുന്നത് വീഡിയോയിൽ കാണാം. 

സുപ്രിയ ഭരദ്വാജ് ആണ് വീഡിയോ ട്വിറ്ററില്‍ പങ്കുവെച്ചത്. കൂടയില്‍ ഉള്ള പാമ്പുകളെ തൊട്ടുനോക്കുന്നതും ചെറിയൊരു പാമ്പിനെ ഭയമില്ലാതെ കൈയിലെടുക്കുന്നതും വീഡിയോയില്‍ കാണാം. പുറത്തുണ്ടായിരുന്ന പാമ്പിനെ കൂടയില്‍ വെയ്ക്കാന്‍ പാമ്പാട്ടികളെ കോണ്‍ഗ്രസ് നേതാവ് സഹായിക്കുന്നുമുണ്ട്.

യാതോരു പേടിയോ മടിയോ ഇല്ലാതെയാണ് പ്രിയങ്ക പാമ്പാട്ടികളോടൊപ്പം ചെലവഴിക്കുന്നത്. കൊച്ചുകുട്ടികളടക്കം കൗതുകത്തോടെയാണ് എഐസിസി ജനറല്‍ സെക്രട്ടറിയുടെ പ്രവൃത്തി കണ്ടുനിന്നത്.