മുറിവേറ്റ പുള്ളിപ്പുലിയുടെ ചിത്രമെടുക്കാൻ ശ്രമിച്ചയാളുടെ ദേഹത്തേക്ക് ചാടിവീണ് പുലി. പശ്ചിമ ബംഗാളിലെ അലിപൂർദ്വാരിലണ് സംഭവം ഉണ്ടായത്. പ്രദേശത്തെ റോഡരികിലുള്ള തോട്ടിൽ മുറിവേറ്റ് കിടക്കുകയായിരുന്ന പുലി ചിത്രം പകർത്താൻ ശ്രമിച്ചയാളെ അക്രമിക്കുകയായിരുന്നു. സംഭവത്തിന്റെ ദൃശ്യങ്ങൾ ഇപ്പോൾ സാമൂഹ്യ മാധ്യമങ്ങൾ വഴി പ്രചരിക്കുന്നുണ്ട്.
ഫോൺ പുലിയുടെ സമീപത്തേക്ക് നീട്ടി ഫോട്ടോ എടുക്കാൻ ശ്രമിക്കുന്നതിനിടെ കുതിച്ചു ചാടുകയും ഫോട്ടോ എടുക്കാൻ ശ്രമിച്ചയാളെ പിന്തുടർന്ന് അക്രമിക്കുകയുമായിരുന്നു. പുലിക്ക് പരിക്കേറ്റിരുന്നതിനൽ നിസാര പരിക്കുകളോടെ ഇയാൾ രക്ഷപ്പെട്ടു. പുള്ളിപ്പുലിയെ വനം വകുപ്പ് ഉദ്യോഗസ്ഥർ ചികിത്സക്കായി കൊണ്ടുപോയിരിക്കുകയാണ്. മുറിവ് ഭേതമയായാൽ കാട്ടിൽ തിരികെ വിടും