തെലുങ്ക് സിനിമയെ ഞെട്ടിച്ച പെൺവാണിഭക്കേസിൽ കൂടുതൽ നടിമാർ കുടുങ്ങുമെന്ന് റിപ്പോർട്ട്. അമേരിക്കയിൽ നടിമാരെ പെൺ‌വാണിഭത്തിന് ഉപയോഗിച്ചതിനെ തുടര്‍ന്ന് പിടിയിലായ തെലുങ്ക് നിര്‍മാതാവിന്റെ ഭാര്യ ഇടപാടുകാര്‍ക്ക് വേണ്ടി ഉപയോഗപ്പെടുത്തിയിരുന്ന നടിമാരുടെ ലൈംഗികബന്ധം സംബന്ധിച്ച വിവരങ്ങള്‍ എഴുതി സൂക്ഷിച്ചിരുന്നു.
നടിമാരെ ഭീഷണിപ്പെടുത്താനാണ് നിർമാതാവ് വീഡിയോ, ചിത്രങ്ങൾ എല്ലാം പകർത്തിയത്. അതേസമയം നിർമാതാവിന്റെ ഭാര്യ സൂക്ഷിച്ചിരുന്നത് ഒരു ഡയറി ആയിരുന്നു. ഓരോ നടിമാരും ആര്? എവിടെ വെച്ച്? എപ്പോൾ? ലൈംഗികബന്ധത്തിൽ ഏർപ്പെട്ടു എത്രനേരം ഉണ്ടായിരുന്നു എന്നെല്ലാം ഈ ഡയറിൽ എഴുതി സൂക്ഷിച്ചിരിക്കുകയാണ്.
ഇവര്‍ താമസിച്ചിരുന്ന വെസ്റ്റ് ബെല്‍ഡെന്‍ അവവന്യുവിലെ അപ്പാര്‍ട്ട്‌മെന്റില്‍ പൊലീസ് തിരച്ചില്‍ നടത്തിയപ്പോളാണ് ഇത് കണ്ടെടുത്തത്. തെലുങ്ക് സിനിമയിലെ പുതുമുഖ നടിമാരെ ഉപയോഗിച്ച് സെക്‌സ് റാക്കറ്റ് നടത്തി വന്ന ബിസിനസുകാരനും നിർമാതാവുമായ മൊദുഗുമിഡി കിഷന്‍, ഭാര്യ ചന്ദ്ര എന്നിവരെയാണ് സംഭവത്തിൽ അറസ്റ്റ് ചെയ്തത്.
ചതിയില്‍പ്പെട്ട നടിമാരില്‍ ഒരാള്‍ നല്‍കിയ പരാതിയെ തുടര്‍ന്നാണ് കിഷനും ഭാര്യയും അറസ്റ്റിലായത്. സെക്‌സ് റാക്കറ്റിനെ സംബന്ധിക്കുന്ന വിവരം പുറത്തു വന്നതിന് പിന്നാലെ കിഷന്‍ നടിമാരെ ഭീഷണിപ്പെടുത്തുകയും ചെയ്തു. സ്‌കൂളില്‍ പഠിക്കുന്ന രണ്ട് കുട്ടികള്‍ കിഷനും ചന്ദ്രയ്ക്കുമുണ്ട്. ഇവരെ ചൈല്‍ഡ് വെല്‍ഫയര്‍ അധികൃതര്‍ ഏറ്റെടുത്തിട്ടുണ്ട്.