Bigg Boss Malayalam Season 6: വന്‍ കുതിപ്പുമായി ജാസ്മിന്‍; ജിന്റോയുടെ പിന്തുണ കുറയുന്നു, ഒപ്പം പിടിച്ച് അര്‍ജുന്‍

ഒന്നാം സ്ഥാനത്ത് എത്തുന്ന മത്സരാര്‍ഥിക്ക് 50 ലക്ഷം രൂപയാണ് സമ്മാനമായി ലഭിക്കുക

Bigg Boss Malayalam Season 6: ബിഗ് ബോസ് മലയാളം സീസണ്‍ 6 കലാശക്കൊട്ടിലേക്ക്. ജൂണ്‍ 16 ഞായറാഴ്ചയാണ് ഗ്രാന്‍ഡ് ഫിനാലെ. രാത്രി ഏഴ് മുതല്‍ ഏഷ്യാനെറ്റില്‍ ആയിരിക്കും ഗ്രാന്‍ഡ് ഫിനാലെയുടെ തത്സമയ സംപ്രേഷണം. അഞ്ച് മത്സരാര്‍ഥികളാണ് ഒന്നാം സ്ഥാനത്തിനായി ഏറ്റുമുട്ടുന്നത്. പ്രേക്ഷക വിധി പ്രകാരമായിരിക്കും വിജയിയെ തീരുമാനിക്കുക. 

ഒന്നാം സ്ഥാനത്ത് എത്തുന്ന മത്സരാര്‍ഥിക്ക് 50 ലക്ഷം രൂപയാണ് സമ്മാനമായി ലഭിക്കുക. നടന്‍ മോഹന്‍ലാല്‍ ആയിരിക്കും വിജയിയെ പ്രഖ്യാപിക്കുക. നാല് പുരുഷ മത്സരാര്‍ഥികളും ഒരു വനിത മത്സരാര്‍ഥിയുമാണ് ബിഗ് ബോസ് വീട്ടില്‍ ഇനി ശേഷിക്കുന്നത്. നടനും ഡാന്‍സുകാരനുമായ ഋഷി കുമാര്‍, ഫിസിക്കല്‍ ട്രെയ്‌നര്‍ ജിന്റോ ബോഡിക്രാഫ്റ്റ്, മോഡല്‍ അര്‍ജുന്‍ ശ്യാം, നടന്‍ അഭിഷേക് ശ്രീകുമാര്‍ എന്നിവരാണ് പുരുഷ മത്സരാര്‍ഥികള്‍. സോഷ്യല്‍ മീഡിയയിലൂടെ ശ്രദ്ധിക്കപ്പെട്ട ജാസ്മിന്‍ ജാഫര്‍ മാത്രമാണ് ഫിനാലെയിലേക്ക് എത്തിയ അഞ്ച് മത്സരാര്‍ഥികളില്‍ ഏക വനിത. 

ഏറ്റവും ഒടുവില്‍ ലഭിച്ച റിപ്പോര്‍ട്ട് അനുസരിച്ച് ജാസ്മിന്‍ ജാഫര്‍ മികച്ച മുന്നേറ്റമാണ് കാഴ്ചവെയ്ക്കുന്നത്. വോട്ടിങ്ങില്‍ രണ്ടാം സ്ഥാനത്ത് ആയിരുന്നെങ്കിലും കഴിഞ്ഞ രണ്ട് ദിവസമായി ജാസ്മിന്‍ മുന്നിലെത്തിയിട്ടുണ്ട്. സ്ത്രീ വോട്ടുകള്‍ ആണ് ജാസ്മിന്റെ മുന്നോട്ടു യാത്രയില്‍ നിര്‍ണായകമായത്. ജാസ്മിനു വോട്ട് അഭ്യര്‍ഥിച്ച് വിവിധ ഗ്രൂപ്പുകള്‍ സോഷ്യല്‍ മീഡിയയില്‍ ആക്ടീവാണ്. ജിന്റോ ബോഡിക്രാഫ്റ്റാണ് രണ്ടാം സ്ഥാനത്ത്. തൊട്ടുപിന്നില്‍ അര്‍ജുനും ഉണ്ട്.