രണ്ട് ഭാര്യമാര്‍ക്ക് നടുവില്‍ സിദ്ധാര്‍ത്ഥ്, കുടുംബകലഹം ഉണ്ടാകാതെ നോക്കണമെന്ന് ആരാധകര്‍; 'കുടുംബവിളക്ക്' ഓണാഘോഷ ചിത്രങ്ങള്‍

മലയാളികളുടെ ഇഷ്ട പരമ്പരയാണ് കുടുംബവിളക്ക്. ഏഷ്യാനെറ്റില്‍ രാത്രി എട്ട് മുതലാണ് കുടുംബവിളക്ക് സംപ്രേഷണം ചെയ്യുന്നത്. കഴിഞ്ഞ കുറേ നാളുകളായി മിനിസ്‌ക്രീനില്‍ ഏറ്റവും കൂടുതല്‍ റേറ്റിങ് ഉള്ള സീരിയല്‍ കൂടിയാണ് കുടുംബവിളക്ക്. 

കുടുംബവിളക്ക് താരങ്ങളുടെ ഓണാഘോഷ ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. കുടുംബവിളക്കിലെ സിദ്ധാര്‍ത്ഥ് തന്റെ രണ്ട് ഭാര്യമാര്‍ക്കൊപ്പം ഓണ വേഷത്തില്‍ നില്‍ക്കുന്ന ചിത്രമാണ് ഇതില്‍ ശ്രദ്ധാകേന്ദ്രം. സുമിത്രയും വേദികയും സിദ്ധാര്‍ത്ഥിന്റെ ഇരുവശങ്ങളിലും നില്‍ക്കുന്ന ചിത്രം കണ്ട് രസകരമായ കമന്റുകളാണ് ആരാധകര്‍ കുറിച്ചിരിക്കുന്നത്. 

കുടുംബവിളക്കില്‍ സിദ്ധാര്‍ത്ഥ് എന്ന കഥാപാത്രത്തെ അവതരിപ്പിക്കുന്നത് നടന്‍ കെ.കെ.മേനോന്‍ ആണ്. കേന്ദ്ര കഥാപാത്രമായ സുമിത്രയെ അവതരിപ്പിക്കുന്നത് പ്രശസ്ത നടി മീര വാസുദേവന്‍ ആണ്. നടി ശരണ്യ ആനന്ദ് വേദിക എന്ന കഥാപാത്രത്തെ അവതരിപ്പിക്കുന്നു. സിദ്ധാര്‍ത്ഥിന്റെ ആദ്യ ഭാര്യയാണ് കുടുംബവിളക്കില്‍ സുമിത്ര. വേദികയാണ് രണ്ടാം ഭാര്യ. സുമിത്രയും വേദികയും തമ്മിലുള്ള പോരാണ് മിക്ക എപ്പിസോഡുകളിലും ആരാധകര്‍ കാണുന്നത്. 

കുടുംബവിളക്കിലെ മറ്റ് താരങ്ങളും ഓണാഘോഷ ചിത്രങ്ങള്‍ പങ്കുവച്ചിട്ടുണ്ട്.