Kudumbavilakku Serial actor Noobin Johny Marriage: ഏഷ്യാനെറ്റില്‍ സംപ്രേഷണം ചെയ്യുന്ന കുടുംബവിളക്ക് സീരിയലിന് ആരാധകര്‍ ഏറെയാണ്. സുമിത്രയെന്ന സ്ത്രീയുടെ ജീവിതകഥയാണ് കുടുംബവിളക്കില്‍ പറയുന്നത്. മീര വാസുദേവാണ് സുമിത്രയെന്ന കഥാപാത്രത്തെ അവതരിപ്പിക്കുന്നത്. സീരിയലില്‍ സുമിത്രയുടെ മകന്‍ പ്രതീഷിന്റെ കഥാപാത്രത്തെ അവതരിപ്പിക്കുന്നത് നടനും മോഡലുമായ നൂബിന്‍ ജോണിയാണ്.
നൂബിന്‍ ജോണിയുടെ വിശേഷങ്ങള്‍ അറിയാന്‍ ആരാധകര്‍ക്ക് എപ്പോഴും വലിയ താല്‍പര്യമുണ്ട്. തന്റെ കാമുകിയുടെ ചിത്രങ്ങളും വിവരങ്ങളും ഈയടുത്താണ് നൂബിന്‍ സോഷ്യല്‍ മീഡിയയില്‍ പങ്കുവെച്ചത്. ഡോക്ടര്‍ ബിന്നി സെബാസ്റ്റ്യന്‍ ആണ് നൂബിന്റെ പ്രതിശ്രുത വധു. ഇരുവരുടെയും വിവാഹം ഉടനുണ്ടാകും.