സ്വർണവിലയിൽ വർധന, പവന് വില 34,600 രൂപ

തുടർച്ചയായി ഇടിവ് രേഖപ്പെടുത്തിയതിന് പിന്നാലെ സ്വർണവിലയിൽ വർധന. പവന് 200 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന്റെ വില 34,600 രൂപ ആയി. പവന് 320 രൂപ ഇടിഞ്ഞ് ഇന്നലെ 34,400 എന്ന ഈ മാസത്തെ ഏറ്റവും കുറഞ്ഞ നിരക്കിൽ സ്വർണവില എത്തിയിരുന്നു. പിന്നാലെയാണ് വർധനവ് രേഖപ്പെടുത്തിയിരിയ്ക്കുന്നത്. കേന്ദ്ര ബജറ്റിൽ സ്വർണത്തിന്റെ ഇറക്കുമതി തീരുവ 12.5ൽനിന്നും 7 ആക്കി കുറച്ചിരുന്നു, ഇതിന് പിന്നാലെയാണ് സ്വർണവിലയിൽ വലിയ കുറവ് രേഖപ്പെടുത്താൻ ആരംഭിച്ചത്. പിന്നീട് വിലയിൽ ഏറ്റക്കുറച്ചിലുകൾ പതിവായി. വിലയിലെ ഈ ട്രെൻഡ് ഇപ്പോഴും തുടരുകയാണ്.