അമ്പഴങ്ങാ ചമ്മന്തി

ദോശയ്ക്കും ഇഡലിക്കുമൊപ്പം മാത്രമല്ല ചോറിനൊപ്പവും കഴിക്കാന്‍ അമ്പഴങ്ങ ചമ്മന്തി ഏറെ രുചികരമാണ്. ഇതാ ഒന്നു പരീക്ഷിച്ചോളൂ.

ചേര്‍ക്കേണ്ട ഇനങ്ങള്‍

തേങ്ങ - 1 എണ്ണം
വറ്റല്‍ മുളക് - 75 ഗ്രാം
അമ്പഴങ്ങ - 1
പുളി - 10 ഗ്രാം
എണ്ണ - 1 ടേബിള്‍ സ്പൂണ്‍
കടുക് - 1 ടേബിള്‍ സ്പൂണ്‍
ഉപ്പ് - പാകത്തിന്

പാകം ചെയ്യേണ്ട വിധം

വറ്റല്‍ മുളക് നല്ലവണ്ണം ഉണക്കി അരിയെടുക്കണം. എന്നിട്ട് മുളകിന്‍റെ അരി, അമ്പഴങ്ങയുടെ കാമ്പ്, പുളി, ചിരകിയ തേങ്ങ, ഉപ്പ് എന്നിവ നല്ലവണ്ണം അരയ്ക്കണം. പിന്നീട് ഫ്രൈയിംഗ് പാനില്‍ എണ്ണ ചൂടാക്കി കടുകിട്ടു പൊട്ടുമ്പോള്‍ അരപ്പു ചേര്‍ത്തിളക്കണം. അമ്പഴങ്ങ ചട്ണി റെഡിയായി.