മാങ്ങാ അച്ചാര്‍

എന്തൊക്കെയുണ്ടെങ്കിലും നല്ല നാടന്‍ രീതിയില്‍ വച്ച മാങ്ങാ അച്ചാറും അല്‍പ്പം തൈരുമുണ്ടെങ്കില്‍ ഊണ് ഉഷാറാകും. ദാ പരീക്ഷിച്ചോളൂ.

ചേര്‍ക്കേണ്ട ഇനങ്ങള്‍

മാങ്ങ അരിഞ്ഞത് - 3 കപ്പ്‌
ഉപ്പ്‌ - പാകത്തിന്‌
മുളകുപൊടി - കാല്‍ കപ്പ്‌
മഞ്ഞള്‍പ്പൊടി - കാല്‍ കപ്പ്‌
കടുക്‌ - കാല്‍ കപ്പ്‌
നല്ലെണ്ണ - അരകപ്പ്‌

പാകം ചെയ്യേണ്ട വിധം

മുളകുപൊടി, മഞ്ഞള്‍പ്പൊടി, ഉപ്പ്‌, കടുക്‌ പൊടിച്ചത്‌ ഇവയെല്ലാം ഒന്നിച്ച്‌ ചേര്‍ത്ത്‌ യോജിപ്പിക്കുക. മാങ്ങയില്‍ ആദ്യം എണ്ണയും പിന്നെ മസാലയും പുരട്ടി വയ്ക്കുക. വൃത്തിയുള്ള ഭരണി എടുത്ത്‌ മസാല പുരട്ടിയ മാങ്ങ അതിനുള്ളീലാക്കി അടച്ച്‌ സൂക്ഷിക്കുക.