ലോകവനിതാദിന പുരസ്കാരങ്ങള്‍: നാമനിര്‍ദ്ദേശം ക്ഷണിക്കുന്നു

ലോകവനിതാദിനം പ്രമാണിച്ച് പൂവ്വാര്‍, കരുംകുളം ഗ്രാമപഞ്ചായത്തുകള്‍, ശാന്തിഗ്രാം, തിരുവനന്തപുരം സോഷ്യല്‍ സര്‍വീസ് സൊസൈറ്റി, ലയോള, സഖി, സേവാ യൂണിയന്‍, പൂവ്വാര്‍ മുസ്ലീം ജമാഅത്ത് കമ്മിറ്റി, അടിമലത്തുറ സോഷ്യല്‍വെല്‍ഫെയര്‍ അസോസിയേഷന്‍ എന്നിവയുടെ സമ്യുക്താഭിമുഖ്യത്തില്‍ നടത്തുന്ന ആഘോഷപരിപാടികളുടെ ഭാഗമായി സ്ത്രീ ശാക്തീകരണ ക്ഷേമ പ്രവര്‍ത്തനങ്ങ‌ളില്‍ സ്ഥായിയായ സംഭാവനകള്‍ സമര്‍പ്പിച്ചിട്ടുള്ള കേരളത്തിലെ അമ്പത് വ്യക്തികള്‍/ സംഘടനകളെ ആദരിക്കുന്നു.

ഇതിലേക്ക് അര്‍ഹരായ വ്യക്തികളേയും സ്ഥാപനങ്ങളേയും പൊതുജനങ്ങള്‍ക്കും സംഘടനകള്‍ക്കും നാമനിര്‍ദേശം ചെയ്യാവുന്നതാണ്. നാമനിര്‍ദേശം ചെയ്യപ്പെടുന്ന വ്യക്തിയുടെ/സംഘടനയുടെ നൂതന സംഭാവനകള്‍/നേട്ടങ്ങള്‍ ഉള്‍പ്പെടുത്തിയ വിശദമായ കുറിപ്പും ബയോഡാറ്റയും ഫോട്ടോയും ഫെബ്രുവരി 28ന് മുന്‍പ് ഡയറക്ടര്‍ ശാന്തിഗ്രാം, കഴിവൂര്‍ പി ഒ, പുല്ലുവിള - 695526, തിരുവനന്തപുരം എന്ന വിലാസത്തിലേക്ക് അയക്കുക.