അര്‍ദ്ധ ചന്ദ്രാസനം

സംസ്കൃതത്തില്‍ ‘അര്‍ദ്ധ’ എന്ന വാക്കിനര്‍ത്ഥം പകുതി എന്നാണ്. അതേപോലെ, ‘ചന്ദ്ര’ എന്ന് പറഞ്ഞാല്‍ ചന്ദ്രന്‍ എന്നും. അതായത്, അര്‍ദ്ധ ചന്ദ്രാസനം എന്ന് പറഞ്ഞാല്‍ അര്‍ദ്ധ ചന്ദ്രനെ ദ്യോതിപ്പിക്കുന്ന ആസനാവസ്ഥ എന്ന് അര്‍ത്ഥമാക്കണം.

ചെയ്യേണ്ട രീതി

* തദാസനാവസ്ഥയില്‍ നില്‍ക്കുക ( ഉപ്പൂറ്റിമുതല്‍ പെരുവിരല്‍ വരെ നിലത്ത് അമര്‍ത്തി കൈകള്‍ ശരീരത്തിന് ഇരു വശവം വരത്തക്ക രീതിയില്‍)

WD

* കാലുകള്‍ അല്‍പ്പം അകത്തി വയ്ക്കുക. ഇനി വലതു കൈ തോളിന് സമമായി തിരശ്ചീനമായി കൊണ്ടു വരണം.

* കൈപ്പത്തി മുകളിലേക്ക് തിരിക്കുക. കൈയ്യ് തലയ്ക്ക് മുകളിലേക്ക് കൊണ്ടു വരിക.

* ഇടതുവശത്തേക്ക് ശരീരം വളയ്ക്കുക. കൈമുട്ടുകളും കാല്‍മുട്ടുകളും മടങ്ങരുത്.

* ശ്വാസം അകത്തേക്ക് എടുത്തുകൊണ്ടു വേണം ശരീരം വളയ്ക്കാന്‍. ഈ സമയം ഇടത് കൈയ്യ് കണങ്കാലിന് അടുത്തുവരെ എത്തണം.

WD

* ശ്വാസം പുറത്തേക്ക് വിട്ടുകൊണ്ട് പൂര്‍വ സ്ഥിതിയിലേക്ക് മടങ്ങാം.

* ഇതേരീതിയില്‍ ഇടത് കൈയ്യ് ഉപയോഗിച്ച് തുടരാം.

പ്രയോജങ്ങള്‍

* പുറം, നെഞ്ച്, അടിവയര്‍ എന്നീ ശരീരഭാഗങ്ങള്‍ക്ക് അനായാസത നല്‍കുന്നു.

* അര്‍ദ്ധ ചന്ദ്രാസനം ദിവസേനയുള്ള വ്യായാമ മുറകളിലും ഉള്‍പ്പെടുത്താവുന്നതാണ്.