സര്‍വാംഗാസനം

സംസ്കൃതത്തില്‍ ‘സര്‍വ’ എന്ന് പറഞ്ഞാല്‍ എല്ലാം എന്നും ‘അംഗ’ എന്ന് പറഞ്ഞാല്‍ ഭാഗം എന്നും ‘ആസന’ എന്ന് പറഞ്ഞാല്‍ യോഗാസനാവസ്ഥ എന്നുമാണ് അര്‍ത്ഥമാക്കുന്നത്. അതായത്, ശരീരത്തിന്‍റെ എല്ലാ ഭാഗങ്ങള്‍ക്കും വേണ്ടിയുള്ള വ്യായാമമായിരിക്കും സര്‍വാംഗാസനം എന്ന് അര്‍ത്ഥമാക്കാം.

ചെയ്യേണ്ടരീതി

* നിവര്‍ന്ന് കിടക്കുക. കാലുകള്‍ നിവര്‍ത്തി വയ്ക്കണം. കൈപ്പത്തികള്‍ ശരീരത്തിന് ഇരുവശവുമായി കമഴ്ത്തി വയ്ക്കണം.

* ശ്വാസം ഉള്ളിലേക്ക് എടുക്കുക. കാലുകള്‍ മുകളിലേക്ക് ഉയര്‍ത്തി നെഞ്ചിന്‍റെ ഭാഗത്തേക്ക് കൊണ്ടുവരിക. ഈസമയം, കൈപ്പത്തി തറയില്‍ അമര്‍ത്തി അരക്കെട്ടും കടിപ്രദേശവും തറയില്‍ നിന്ന് ഉയര്‍ത്തണം.

* കൈപ്പത്തികള്‍ നിതംബത്തിനു താഴെ കൊണ്ടുവരിക. കൈകള്‍ ശരീരത്തിനു മുഴുവന്‍ താങ്ങായി വച്ചുകൊണ്ട് കാല്‍‌മുട്ടുകള്‍ നെറ്റിക്ക് സമാന്തരമായി കൊണ്ടുവന്നശേഷം നേരെ മുകളിലേക്ക് കാലുകള്‍ ഉയര്‍ത്തുക.

* ശ്വാസം വിട്ടുകൊണ്ട് നട്ടെല്ലും കാലുകളും നിവര്‍ത്തി പിടിക്കുക. കൈമുട്ടുകള്‍ തോളെല്ലിന് സമാന്തരമായിരിക്കണം. കാല്‍ വിരലിലേക്ക് നോട്ടം ഉറപ്പിക്കുക, കാലുകളും കാല്‍പ്പത്തികളും അയച്ച് വിടുക.

* കൈപ്പത്തികള്‍ തോളെല്ലിന് അടുത്ത് വരെ കൊണ്ടുവരണം.

* ഈ അവസ്ഥയില്‍ സാധാരണ രീതിയില്‍ ശ്വാസോച്ഛാസം നടത്തുക. പഴയ അവസ്ഥയിലേക്ക് മടങ്ങാനായി ശ്വാസം പുറത്തേക്ക് വിടുക, കാല്‍മുട്ടുകള്‍ നെഞ്ചിന് സമാന്തരമായി കൊണ്ടുവന്ന ശേഷം കടിപ്രദേശവും അരക്കെട്ടും താഴ്ത്തണം. കാലുകള്‍ തറയില്‍ നിവര്‍ത്തി വയ്ക്കുകയും കൈപ്പത്തികള്‍ വശങ്ങളിലായി കമഴ്ത്തി വയ്ക്കുകയും വേണം.

പ്രയോജനങ്ങള്‍

WD

* തൈറൊയിഡ് ഗ്രന്ഥിയുടെ പ്രവര്‍ത്തനങ്ങളെ ഉദ്ദീപിപ്പിക്കുന്നു.

* നട്ടെല്ലിന് വഴക്കം നല്‍കുന്നു.

* നാഡീവ്യൂഹത്തിന് അനായാസത നല്‍കുന്നു.

* ആന്തരാവയവങ്ങളുടെ പ്രവര്‍ത്തന ക്ഷമത കൂട്ടുന്നു.

ശ്രദ്ധിക്കു ക

* ഉയര്‍ന്ന രക്തസമ്മര്‍ദ്ദമുള്ളവര്‍ ഈ ആസനം പരിശീലിക്കരുത്.

* കഴുത്ത്, പുറം, കടിപ്രദേശം, കഴുത്ത്, തോളുകള്‍ എന്നിവയ്ക്ക് അസ്വസ്ഥതയുണ്ടെങ്കില്‍ ഈ ആസനത്തില്‍ നിന്ന് വിട്ടു നില്‍ക്കുന്നതായിരിക്കും നല്ലത്.

* ആര്‍ത്തവ സമയത്ത് ഈ ആസനം ചെയ്യാന്‍ പാടുള്ളതല്ല.