ഈ നിശബ്‌ദത അപകടകരമാണ്, പ്രതികരിച്ചില്ലെങ്കില്‍ എല്ലാവരും വെറും ഷമ്മിമാരായിപ്പോകും: അഞ്‌ജലി മേനോൻ

മലയാള സിനിമയിലെ പ്രമുഖ നടിക്കെതിരെ നടൻ ഇടവേള ബാബുവിന്റെ പരാമർശത്തിൽ എങ്ങും നിന്നും വിമർശനങ്ങൾ ഉയരുകയാണ്. ഇപ്പോഴിതാ ഇടവേള ബാബുവിനെതിരെ രംഗത്തെത്തിയിരിക്കുകയാണ് സംവിധായിക അഞ്ജലി മേനോൻ. ഈ നിശബദ്ത അപകടകരമാണെന്നും വനിതാ സഹപ്രവർത്തകരോട് ബഹുമാനം പുലർത്തുന്നവർ പോലും ഈ വിഷയത്തിൽ മൗനം പാലിക്കുകയാണെന്നും അഞ്ജലി മേനോൻ കുറിക്കുന്നു. നെയിംലെസ് ആൻഡ് ഷെയിംലെസ് എന്ന ടൈറ്റിൽ ഉള്ള ബ്ലോഗിലാണ് അഞ്ജലി ഇക്കാര്യത്തെ കുറിച്ച് എഴുതിയത്.

അഞ്ജലി മേനോന്റെ കുറിപ്പ്:

സിനിമയിൽ വനിതാ സഹപ്രവർത്തകരോട് ബഹുമാനം പുലർത്തുന്നവർ പോലും ഈ വിഷയത്തിൽ മൗനം പാലിക്കുകയാണ്. ഈ നിശബദ്ത അപകടകരമാണ്. ആണധികാരത്തിന്റെയും സത്രീവിരുദ്ധതയുടെയും ഇടമായി നമ്മുടെ ചലച്ചിത്രമേഖല മുദ്രകുത്തപ്പെടാതിരിക്കാൻ നിങ്ങൾ മാനം വെടിയണം.

അതിജീവിച്ചവളുടെ അവകാശങ്ങൾക്കൊപ്പം നിൽക്കുന്നവർ ഇവിടെയുള്ള സ്ത്രീകൾക്ക് വേണ്ടിയാണ് ശബ്ദിക്കുന്നത്. നമ്മളിൽ പലരെക്കാൾ ജീവനുണ്ടവൾക്ക്. സമൂഹ മാധ്യമത്തിൽ ഒരു പോസ്റ്റിടാനോ ഐക്യപ്പെടാനോ വേണ്ടിയല്ല ഈ പറയുന്നത്. തുല്യതക്ക് വേണ്ടിയുള്ള നിലപാടും ഇത്തരം സാഹചര്യങ്ങളിലുള്ള പ്രതികരണവുമാണ് ആവശ്യപ്പെടുന്നത്. അതല്ലെങ്കിൽ എല്ലാവരും വെറും ഷമ്മിമാരായിപ്പോകും.