തീയറ്റർ റിലീസിന് എത്താതെ ദൃശ്യം 2 ആമസോൺ പ്രൈമിൽ റിലീസ് ചെയ്യുന്നതിനെതിരെ സിനിമ മേഖലയിലെ നിന്നുള്ള നിരവധിപേരാണ് വിമർശനവുമായി രംഗത്തെത്തിയത്. ഈ വിഷയത്തിൽ പ്രതികരണവുമായി എത്തിയിരിക്കുകയാണ് ആൻറണി പെരുമ്പാവൂർ. ഇക്കാര്യത്തിൽ വിമർശകർ തൻറെ ഭാഗത്തുനിന്ന് ചിന്തിച്ചിട്ടില്ല എന്നാണ് അദ്ദേഹം പറയുന്നത്.
സ്വന്തം കാര്യം മാത്രമാണ് വിമർശകർ ചിന്തിച്ചത്. ദൃശ്യം 2 എന്ന ചിത്രത്തിന് തിയറ്ററുകളുമായി കരാർ ഉണ്ടായിരുന്നില്ല. ഇനി ആമസോൺ പ്രൈമും ആയുള്ള കരാറിൽനിന്ന് പിൻ മാറുവാൻ സാധിക്കില്ലെന്നും ആൻറണി പെരുമ്പാവൂർ വ്യക്തമാക്കി.
പുതുവത്സരദിനത്തിൽ പുറത്തുവന്ന ടീസറിലൂടെയാണ് സിനിമ ഒ.ടി.ടി പ്ലാറ്റ്ഫോമിൽ റിലീസ് ചെയ്യാൻ പോകുന്നു എന്ന കാര്യം ആരാധകർ അറിഞ്ഞത്. ദൃശ്യം 2 ഉടൻതന്നെ റിലീസ് ചെയ്യുമെന്നാണ് പ്രതീക്ഷിക്കുന്നത്. ട്രെയിലർ ഉൾപ്പെടെയുള്ള പുതിയ അപ്ഡേറ്റുകളും അടുത്തുതന്നെ പുറത്തുവരും.