ആ ഓണത്തിന് എനിക്ക് പാര്‍വതിയെ തോല്‍പ്പിക്കാന്‍ കഴിഞ്ഞില്ല: ദുല്‍ക്കര്‍
ആ സുന്ദരിക്ക് പൊട്ടുകുത്താല്‍ ദുല്‍ക്കറിന് കഴിഞ്ഞില്ല!
കഴിഞ്ഞ ഓണക്കാലത്ത് ദുല്‍ക്കര്‍ സല്‍മാന്‍ ‘ചാര്‍ലി’ എന്ന സിനിമയുടെ ലൊക്കേഷനിലായിരുന്നു. ദുല്‍ക്കര്‍ ആഘോഷിച്ചിട്ടുള്ളതില്‍ ഏറ്റവും ഗംഭീരമായ ഓണാഘോഷങ്ങളില്‍ ഒന്നായിരുന്നു അത്. മഹാരാജാസ് കോളജിന്‍റെ ഹോസ്റ്റലും പരിസരവുമായിരുന്നു ലൊക്കേഷന്‍. ഓണാഘോഷം അടിച്ചുപൊളിച്ചു എന്ന് പറഞ്ഞാല്‍ മതിയല്ലോ.
ഓണാഘോഷത്തിന്‍റെ ഭാഗമായി ഒട്ടേറെ മത്സരങ്ങളും മാര്‍ട്ടിന്‍ പ്രക്കാട്ടിന്‍റെ നേതൃത്വത്തില്‍ സംഘടിപ്പിച്ചിരുന്നു. അതിലൊന്ന് സുന്ദരിക്ക് പൊട്ടുകുത്തല്‍ മത്സരമായിരുന്നു.
“സുന്ദരിക്ക് പൊട്ടുകുത്തല്‍ മത്സരമായിരുന്നു എനിക്കേറ്റവും ഇഷ്ടം. പാര്‍വതി ഏകദേശം പൊട്ടുകുത്തേണ്ടതിന്‍റെ അടുത്തെത്തി. എനിക്ക് പക്ഷേ പാര്‍വതിയെ തോല്‍പ്പിക്കാന്‍ കഴിഞ്ഞില്ല. പക്ഷേ മാര്‍ട്ടിന്‍ ചേട്ടന്‍ (മാര്‍ട്ടിന്‍ പ്രക്കാട്ട്) ഞങ്ങളെയെല്ലാം പിന്തള്ളി ഒന്നാമനായി” - വെള്ളിനക്ഷത്രത്തിന് അനുവദിച്ച അഭിമുഖത്തില്‍ ദുല്‍ക്കര്‍ സല്‍മാന്‍ വ്യക്തമാക്കി.
