ഒരുപാട് പേര്‍ ചോദിക്കുന്നു, ഒടുവില്‍ 'മഅസ്സലാമ'എന്ന ഗാനം ഇന്നെത്തും

ആദ്യത്തെ മലയാള-അറബിക് ചിത്രമാണ് 'ആയിഷ'. മഞ്ജു വാര്യര്‍ കേന്ദ്ര കഥാപാത്രമായി എത്തുന്ന സിനിമ ജനുവരി 20ന് പ്രദര്‍ശനത്തിന് എത്തും.നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന ചിത്രം നിര്‍മ്മിക്കുന്നത് സംവിധായകന്‍ സക്കറിയയാണ്. രചന ആഷിഫ് കക്കോടി. ഇപ്പോഴിതാ സിനിമ ഇറങ്ങിയത് മുതല്‍ ആരാധകര്‍ ചോദിക്കുന്ന മഅസ്സലാമ എന്ന ഗാനം ഇന്ന് വൈകുന്നേരം പുറത്തിറങ്ങും.

'ആയിഷ ഇറങ്ങിയത് മുതല്‍ ഒരുപാട് പേര്‍ ചോദിക്കുന്ന കാര്യമാണ് ' മഅസ്സലാമ ' പാട്ട് എന്നാണ് പുറത്തിറക്കുക എന്ന്. ഇന്ന് വൈകുന്നേരത്തോടെ പാട്ടിന്റെ ലിറിക്കല്‍ വീഡിയോ യൂടൂബില്‍ ലഭ്യമാകും. Spotfiy ഉള്‍പ്പെടുള്ള മറ്റു ഓഡിയോ പ്ലാറ്റ്‌ഫോമുകളില്‍ ഇതിനോടകം പാട്ട് ലഭ്യമാണ്.

ബി.കെ ഹരിനാരായണന്റെ വരികള്‍ക്ക് എം.ജയചന്ദ്രന്റെ സംഗീതത്തില്‍ ശ്രേയാഘോഷാല്‍ ആലപിച്ച പാട്ട്'-ആമിര്‍ പള്ളിക്കല്‍ കുറിച്ചു.