റൊമാന്റിക് ഗാനവുമായി അര്‍ജുന്‍ അശോകന്‍, മെമ്പര്‍ രമേശന്‍ 9-ാം വാര്‍ഡ് റിലീസിനൊരുങ്ങുന്നു

അര്‍ജുന്‍ അശോകന്‍ നായകനായെത്തുന്ന 'മെമ്പര്‍ രമേശന്‍ 9-ാം വാര്‍ഡ്'ലെ ആദ്യ ഗാനമെത്തിന്റെ ടീസര്‍ എത്തി.'അലരെ നീ എന്നിലെ' എന്ന് തുടങ്ങുന്ന റൊമാന്റിക് ഗാനം യൂട്യൂബില്‍ ട്രെന്‍ഡിങ് ആകുകയാണ്. ഷബരീഷ് വര്‍മ്മ വരികള്‍ക്ക് കൈലാസ് മേനോനാണ് സംഗീതം നല്‍കിയിരിക്കുന്നത്. ഐരാനും നിത്യയും ചേര്‍ന്നാണ് ഗാനം ആലപിച്ചിരിക്കുന്നത്.

 'ലഡു' ഫെയിം ഗായത്രി അശോക്കാണ് നായിക. എബി ജോസ് പെരേരയും അബി ട്രീസ പോളും ചേര്‍ന്നാണ് ചിത്രം സംവിധാനം ചെയ്യുന്നത്.മെമ്പര്‍ രമേശന്‍മെമ്പര്‍ രമേശനായി അര്‍ജുന്‍ അശോകന്‍ എത്തുന്ന ചിത്രം ഒരു ഗ്രാമീണ പശ്ചാത്തലത്തില്‍ ഒരുങ്ങുന്ന പൊളിറ്റിക്കല്‍ എന്റര്‍ടെയ്നര്‍ ആണെന്ന സൂചനയാണ് പോസ്റ്റര്‍ നല്‍കുന്നത്.സാബുമോന്‍, ജോണി ആന്റണി, സാജു കൊടിയന്‍, മാമുക്കോയ തുടങ്ങിയവരാണ് മറ്റു പ്രധാന വേഷങ്ങളില്‍ എത്തുന്നത്.ബോബന്‍ & മോളി എന്റര്‍ടൈന്‍മെന്റിന്റെ ബാനറില്‍ ബോബന്‍, മോളി ചേര്‍ന്നാണ് ചിത്രം നിര്‍മ്മിക്കുന്നത്.എല്‍ദോ ഐസക് ചായാഗ്രഹണവും ദീപു ജോസഫ് എഡിറ്റിങ്ങും നിര്‍വഹിക്കുന്നു.