Actor Daniel Balaji Dies: ഞെട്ടി സിനിമാലോകം ! മമ്മൂട്ടിയുടെയും മോഹന്‍ലാലിന്റെയും വില്ലനായി അഭിനയിച്ച ഡാനിയേല്‍ ബാലാജി അന്തരിച്ചു

വേട്ടയാട് വിളയാട്, പൊല്ലാതവന്‍ തുടങ്ങിയ സൂപ്പര്‍ഹിറ്റ് ചിത്രങ്ങളിലൂടെ ശ്രദ്ധിക്കപ്പെട്ട നടനാണ് ഡാനിയേല്‍ ബാലാജി

Daniel Balaji

Actor Daniel Balaji Dies: തമിഴ് നടന്‍ ഡാനിയേല്‍ ബാലാജി (48) അന്തരിച്ചു. ഹൃദയാഘാതത്തെ തുടര്‍ന്ന് വെള്ളിയാഴ്ച രാത്രിയായിരുന്നു അന്ത്യം. നെഞ്ചുവേദനയെ തുടര്‍ന്ന് ചെന്നൈയിലെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംസ്‌കാരം ഇന്ന് നടക്കുമെന്നാണ് വിവരം. 

വേട്ടയാട് വിളയാട്, പൊല്ലാതവന്‍ തുടങ്ങിയ സൂപ്പര്‍ഹിറ്റ് ചിത്രങ്ങളിലൂടെ ശ്രദ്ധിക്കപ്പെട്ട നടനാണ് ഡാനിയേല്‍ ബാലാജി. മലയാളത്തില്‍ മമ്മൂട്ടി, മോഹന്‍ലാല്‍ എന്നിവരുടെ വില്ലനായി അഭിനയിച്ചിട്ടുണ്ട്. ഡാഡി കൂള്‍, ഭഗവാന്‍ എന്നിവയാണ് ഡാനിയേല്‍ ബാലാജിയുടെ മലയാള ചിത്രങ്ങള്‍. 

ഗൗതം മേനോന്‍ ചിത്രം കാക്കാ കാക്കായിലൂടെയാണ് ഡാനിയേല്‍ ബാലാജി അഭിനയരംഗത്ത് ശ്രദ്ധിക്കപ്പെട്ടത്. ഭൈരവ, വട ചെന്നൈ, ബിഗില്‍ തുടങ്ങിയ ചിത്രങ്ങളിലും അഭിനയിച്ചിട്ടുണ്ട്. തെലുങ്ക്, കന്നഡ സിനിമകളിലും താരം അഭിനയിച്ചിട്ടുണ്ട്.