മലയാളത്തിലെ സൂപ്പര്‍താരങ്ങളുടെയെല്ലാം നായികയായി അഭിനയിച്ച താരമാണ് ഈ ചിത്രത്തിലുള്ളത്. എന്നാല്‍, മലയാളിയല്ല ! ആരാണെന്ന് മനസിലായോ? മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങി സൂപ്പര്‍താരങ്ങളുടെ നായികയായി അഭിനയിച്ച ലയ ഗോര്‍ട്ടിയാണിത്.
തൊമ്മനും മക്കളും, രാഷ്ട്രം, ആലീസ് ഇന്‍ വണ്ടര്‍ലാന്റ്, ഉടയോന്‍ തുടങ്ങിയ മലയാള സിനിമകളിലെല്ലാം ലയ നായികയായി അഭിനയിച്ചിട്ടുണ്ട്. തെലുങ്ക് സിനിമയിലൂടെയാണ് ലയ അരങ്ങേറ്റം കുറിച്ചത്. പിന്നീട് തമിഴ്, കന്നഡ, മലയാളം എന്നീ ഭാഷകളിലായി അറുപതോളം സിനിമകളില്‍ ലയ അഭിനയിച്ചു. 1992 ല്‍ ബാലതാരമായാണ് ലയ അരങ്ങേറ്റം കുറിച്ചത്. ഒരു കുച്ചിപ്പുടി നര്‍ത്തകി കൂടിയാണ് ലയ.
2006 ജൂണ്‍ 14 നാണ് ലയ വിവാഹിതയായത്. ഡോ.ശ്രീ ഗണേശ് ഗോര്‍ട്ടിയാണ് ലയയുടെ ജീവിതപങ്കാളി. ലയ ഇപ്പോള്‍ ലോസ് ഏഞ്ചന്‍സിലാണ് താമസം. സ്ലോക ഗോര്‍ട്ടി, വചന്‍ ഗോര്‍ട്ടി എന്നിവരാണ് മക്കള്‍. 2006ല്‍ അഭിനയത്തില്‍ നിന്നും ബ്രേക്ക് എടുത്ത ലയ 2010ലും 2018 ലും രണ്ടു തെലുങ്ക് ചിത്രങ്ങളില്‍ അതിഥിവേഷത്തിലെത്തിയിരുന്നു.
