ആദ്യം ദിലീപിനെ കണ്ടപ്പോള്‍ മനസ്സിലായില്ല, കുഞ്ഞിക്കൂനന്‍ ഓര്‍മ്മകളില്‍ നടി മന്യ

സിനിമയില്‍ അത്ര സജീവമല്ലെങ്കിലും സോഷ്യല്‍ മീഡിയയിലൂടെ തന്റെ ഓരോ വിശേഷങ്ങളും നടി മന്യ പങ്കുവയ്ക്കാറുണ്ട്.കുടുംബത്തോടൊപ്പം യുഎസിലാണ് താരം ഇപ്പോള്‍ ഉള്ളത്.'കുഞ്ഞിക്കൂനന്‍' എന്ന സിനിമയുടെ ഷൂട്ടിംഗ് ഓര്‍മ്മകളിലാണ് താരം. 

'കുഞ്ഞിക്കൂനനില്‍ ലക്ഷ്മി കുഞ്ഞനെ ആദ്യമായി കണ്ടപ്പോള്‍ എടുത്തതാണ് ഈ ഫോട്ടോ.ദിലീപേട്ടനെ ഞാന്‍ തിരിച്ചറിഞ്ഞില്ല.എന്റെ ഷോട്ട് റെഡിയായപ്പോള്‍ ഞാന്‍ പോയി. ദിലീപേട്ടന്റെ അടുത്തുകൂടിയാണ് പോയത്. പക്ഷെ എനിക്ക് അദ്ദേഹത്തെ മനസ്സിലായില്ല.കുഞ്ഞനെ കണ്ട് ഞാന്‍ ഞെട്ടി. 

അപ്പോഴാണ് ഞങ്ങള്‍ ഈ ഫോട്ടോ എടുത്തത് - ലക്ഷ്മി ആദ്യമായി കുഞ്ഞനെ കണ്ടപ്പോള്‍.ഓര്‍മ്മകള്‍... വിലയേറിയ ഓര്‍മ്മകള്‍.ഈ സിനിമയുടെ ഭാഗമാകാന്‍ കഴിഞ്ഞത് അനുഗ്രഹീതമാണ്'-മന്യ കുറിച്ചു.

View this post on Instagram

A post shared by Manya (@manya_naidu)