ഇപ്പോള്‍ കിട്ടിയിരിക്കുന്ന താരപരിവേഷം തന്നെ ഭയപ്പെടുത്തുന്നുവെന്ന് അഖില്‍ മാറാന്‍. സോഷ്യല്‍ മീഡിയയില്‍ ലൈവില്‍ എത്തിയപ്പോഴാണ് ബിഗ് ബോസ് താരം തന്റെ ഭയത്തെക്കുറിച്ച് തുറന്ന് പറഞ്ഞത്.
'നിങ്ങളുടെ സ്‌നേഹം എനിക്ക് ഒരുപാട് സന്തോഷം നല്‍കുന്നുവെങ്കിലും ഉള്ളിന്റെ ഉള്ളില്‍ എനിക്കൊരു പേടിയാണ്. കാരണം എത്രത്തോളം സ്‌നേഹിക്കുന്നോ അത്രത്തോളം ജനം നമ്മളെ വെറുത്തേക്കാം. നിങ്ങളോടുള്ള സ്‌നേഹം എപ്പോഴും എന്റെ മനസിലുണ്ടാവും. ഞാന്‍ ഒരു സാധാരണക്കാരന്‍ തന്നെയാണ്. പഴയതുപോലെ നാട്ടിലിറങ്ങി അലമ്പ് കാണിക്കാന്‍ പറ്റുന്നില്ലല്ലോ എന്നതാണ് എന്റെ വിഷമം. വയലിലിറങ്ങി മീന്‍ പിടിക്കാന്‍ പോകുമായിരുന്നു. ഇനി അതൊക്കെ അത്ര എളുപ്പമാണോ എന്നാണ് ഞാന്‍ ചിന്തിക്കുന്നത്'-അഖില്‍ മാരാര്‍ ലൈവില്‍ പറഞ്ഞു.
