ആർആർആറിലൂടെ പ്രേക്ഷകരുടെ ഹൃദയം കീഴടക്കിയ ജെന്നി, താരത്തിൻ്റെ യഥാർഥ പേരറിയാമോ?

ഇന്ത്യയിൽ മാത്രമല്ല വിദേശത്തും വമ്പൻ ഹിറ്റായ ചിത്രമാണ് രാജമൗലിയുടെ സംവിധാനത്തിൽ ജൂനിയർ എൻടിആറും റാംചരണും നായകന്മാരായെത്തിയ ആർആർആർ. ചിത്രത്തിന് ഓസ്കർ പുരസ്കാരത്തിന് അർഹതയുണ്ടെന്ന് വാദിക്കുന്നവരിൽ ഇന്ത്യക്കാരെ പോലെ തന്നെ വിദേശികളും ഉണ്ടെന്നുള്ളതാണ് കൗതുകകരം.

ആർആർആർ കണ്ടവർ ആരും തന്നെ ചിത്രത്തിൽ ജൂനിയർ എൻടിആറിൻ്റെ ഹൃദയം കീഴടക്കിയ ബ്രിട്ടീഷ് സുന്ദരിയേയും മറന്നിട്ടുണ്ടാകില്ല. ജെന്നിയെന്ന ചിത്രത്തിലെ കഥാപാത്രം ചെയ്തത് ഒലിവിയ മോറിസ് എന്ന ബ്രിട്ടീഷ് നടിയാണ്. ഇതാദ്യമായാണ് താരം ഒരു ഇന്ത്യൻ സിനിമയിൽ പ്രത്യക്ഷപ്പെടുന്നത്.ഒറ്റ ചിത്രത്തിലൂടെ തന്നെ ഇന്ത്യക്കാരുടെ ഹൃദയം കീഴടക്കാൻ താരത്തിനായി.

ആർആർആറിന് മുൻപ് ഹോട്ടൽ പോർട്ടോഫിനോ എന്ന ബ്രിട്ടീഷ് സീരീസിലൂടെയാണ് താരം ശ്രദ്ധേയയായത്. ദ ഹെഡ് എന്ന സീരീസിലാണ് താരം ഇപ്പോൾ അഭിനയിക്കുന്നത്. ആർആർആറിൻ്റെ വിജയം താരത്തിന് ഇന്ത്യൻ സിനിമയിലും കൂടുതൽ അവസരങ്ങൾ തുറന്നുനൽകുമെന്നാണ് പ്രതീക്ഷിക്കുന്നത്.