ബേസിൽ ജോസഫും അല്ലു അർജുനും ഒന്നിക്കുന്നു?!

ബേസിൽ ജോസഫിന്റെ ഡ്രീം പ്രോജക്ടായ ശക്തിമാനിൽ നിന്നും ബോളിവുഡ് താരം രൺവീർ സിങ് പിന്മാറിയതായി റിപ്പോർട്ട്. രൺവീർ സിംഗ് നായകനാകുന്ന സൂപ്പർ ഹീറോ ചിത്രം ശക്തിമാൻ ബേസിൽ ജോസഫ് സംവിധാനം ചെയ്യുമെന്നായിരുന്നു റിപ്പോർട്ടുകൾ. ഇപ്പോഴിതാ ഇതുമായി ബന്ധപ്പെട്ട പുതിയ ചില വാർത്തകൾ പുറത്ത് വരികയാണ്.

രൺവീറിന് പകരം ശക്തിമാനായി എത്തുക തെലുങ്ക് സൂപ്പർ താരം അല്ലു അർജുൻ ആയിരിക്കുമെന്നാണ് ഏറ്റവും പുതിയ റിപ്പോർട്ടുകൾ. ഗീത ആർട്ട്‌സ് സംവിധാനം ചെയ്യുന്ന സിനിമയുമായി രണ്ട് രാജ്യാന്തര പ്രൊഡക്ഷൻ ഹൗസുകളും സഹകരിക്കുമെന്നാണ് റിപ്പോർട്ടുകൾ പറയുന്നത്. ഇനാല് ഇൻഡസ്ട്രികൾ ഒരുമിക്കുന്ന ബ്രഹ്മാണ്ഡ ചിത്രമാകും ഇതെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. രൺവീർ സിങ് സിനിമയിൽ നിന്നും പിൻമാറിയതിന്റെ കാരണമെന്തെന്ന് വ്യക്തമല്ല.

പുഷ്പ പരമ്പരയുടെ വൻ വിജയത്തോടെ പാൻ ഇന്ത്യൻ സൂപ്പർ താരമായി മാറിയിരിക്കുകയാണ് അല്ലു അർജുൻ. ശക്തിമാനിലൂടെ അല്ലു അർജുൻ ബോളിവുഡിലും അരങ്ങേറും. കഴിഞ്ഞ കുറേ നാളുകളായി ബേസിൽ ശക്തിമാന്റെ പണിപ്പുരയിലാണ്. അഭിനയത്തിന് താൽക്കാലിക ഗ്യാപ് നൽകുകയാണെന്ന് ബസിലും തുറന്നു പറഞ്ഞിരുന്നു. സംവിധാനത്തിലേക്ക് തിരിച്ചു പോകാനുള്ള ഒരുക്കത്തിലാണ് താരം.