ആശുപത്രിയില്‍ നിന്ന് സഞ്‌ജയ് ദത്തിന്‍റെ പുതിയ ഫോട്ടോ‍, ആശങ്കയില്‍ ആരാധകര്‍

കാൻസർ ബാധിച്ച് ചികിത്സയിൽ കഴിയുകയാണ് ബോളിവുഡ് നടൻ സഞ്ജയ് ദത്ത്. അദ്ദേഹത്തിൻറെ ആരോഗ്യത്തെ കുറിച്ചാണ് ബോളിവുഡിൽ ചർച്ചകൾ. ഒരു തിരിച്ചുവരവിനായി  കാത്തിരിക്കുകയാണ് ആരാധകരും. അതേസമയം അദ്ദേഹത്തിൻറെ പുതിയ ചിത്രങ്ങളാണ് സോഷ്യൽ മീഡിയയിൽ വൈറലാകുന്നത്. ശരീരമാകെ മെലിഞ്ഞ് ക്ഷീണിതനായാണ് താരത്തെ ചിത്രങ്ങളിൽ കാണാനാകുക. മുംബൈയിലെ ഒരു സ്വകാര്യ ആശുപത്രിയിലാണ് നടൻറെ ചികിത്സ.

'ബാബാ, എത്രയും വേഗം ആരോഗ്യവനായി തിരിച്ചു വരൂ’, എന്നാണ് ആരാധകർ പറയുന്നത്. 

അതേസമയം സഞ്ജയ് ദത്തിന്റെ ഒടുവിലായി റിലീസ് ചെയ്ത ചിത്രം 'സഡക്ക് 2' ആണ്.  മഹേഷ് ഭട്ടാണ് ആ ചിത്രം സംവിധാനം ചെയ്തത്. കെജിഫ് 2-ൻറെയും ഭാഗമാണ് നടൻ. ഈ സിനിമയിൽ സഞ്ജയ് ദത്തിന്‍റെ ഭാഗങ്ങളുടെ ചിത്രീകരണം മുമ്പുതന്നെ പൂർത്തിയാക്കിയിരുന്നു.