ബോക്‌സ് ഓഫീസ് ഗ്യാരണ്ടിയുള്ള നടനാണ് ആസിഫ് അലിയെന്ന് അനൂപ് മേനോന്‍. ആസിഫ് അലി നായകനായെത്തിയ കിഷ്കിന്ധാ കാണ്ഡം സിനിമയെ പ്രശംസിച്ച് അനൂപ് മേനോന്‍ പങ്കുവച്ച കുറിപ്പിലാണ് ഇക്കാര്യം പറയുന്നത്. ഗുഡ് വിന്‍ എന്റര്‍ടൈന്‍മെന്റ്‌സിന്റെ ബാനറില്‍ ജോബി ജോര്‍ജ് നിര്‍മ്മിച്ച് ദില്‍ജിത്ത് അയ്യത്താന്‍ സംവിധാനം ചെയ്ത സിനിമയാണ് കിഷ്കിന്ധാ കാണ്ഡം. ബാഹുല്‍ രമേഷ് ആണ് കഥയും തിരക്കഥയും സംഭാഷണവും ചായാഗ്രഹണവും നിര്‍വഹിച്ചിരിക്കുന്നത്. ആസിഫ് അലിയും അപര്‍ണ ബാലമുരളിയുമാണ് കേന്ദ്ര കഥാപാത്രങ്ങളായി ചിത്രത്തില്‍ എത്തുന്നത്.
പ്രിയപ്പെട്ട ആസിഫ്, ലെവല്‍ ക്രോസിനും തലവനും അടിയോസ് അമിഗോയ്ക്കും കിഷ്‌കിന്താകാണ്ഡത്തിനും ശേഷം നമുക്കുള്ളതില്‍ വച്ച് ഏറ്റവും ബോക്‌സ് ഓഫീസ് ഗ്യാരണ്ടിയുള്ള നടന്‍ എന്ന നിലയില്‍ നിങ്ങളുടെ സ്ഥാനം ഉറപ്പിച്ചിരിക്കുന്നു എന്ന് അനൂപ് മേനോന്‍ കുറിച്ചു.
