അവതാർ രണ്ടാം ഭാഗം ചിത്രീകരണം പൂർത്തിയായി, മൂന്നാം ഭാഗത്തിന്റെ ഷൂട്ടിങ്ങ് അവസാനഘട്ടത്തിൽ

ലോകമെങ്ങുമുള്ള സിനിമാപ്രേമികളെ അത്ഭുതം കൊള്ളിച്ച അവതാർ എന്ന ജെയിംസ് കാമറൂൺ ചിത്രത്തിന്റെ രണ്ടാം ഭാഗം ചിത്രീകരണം പൂർത്തിയായതായി റിപ്പോർട്ട്. ജെയിംസ് കാമറൂൺ തന്നെയാണ് ഈ വിവരം വെളിപ്പെടുത്തിയത്. മൂന്നാം ഭാഗത്തിന്റെ ചിത്രീകരണം ഭൂരിഭാഗം അവസാനിച്ചെന്നും കാമറൂൺ പറഞ്ഞു.

നെയിത്രിയെ വിവാഹം കഴിക്കുന്ന ജേക്ക് ഗോത്രത്തലവനാകുന്നതിലൂടെയാണ് അവതാർ രണ്ടാം ഭാഗത്തിന്റെ കഥ പുരോഗമിക്കുന്നത്. 1832 കോടി രൂപയാണ് നിർമാണ ചിലവ്.മൂന്നാം ഭാ​ഗത്തിന് 7500 കോടിയോളമാണ് മുതൽ മുടക്ക് വരുന്നത്. 20th സെഞ്ചുറി സ്റ്റുഡീയോയും ലെറ്റ് സ്റ്റോം എന്റര്‍ടെയ്‌മെന്റും ചേർന്നാണ് നിർമ്മാണം. 2022ലും 2024ലിലും ആയാകും അവതാർ രണ്ടും മൂന്നും ഭാഗങ്ങൾ റിലീസ് ചെയ്യുക.