Webdunia - Bharat's app for daily news and videos

Install App

മാസും ക്ലാസുമായി മമ്മൂട്ടി, തുടക്കം മുതല്‍ ഒടുക്കം വരെ അമല്‍ നീരദ് ടച്ച്; ഭീഷ്മ പര്‍വ്വം റിവ്യു വായിക്കാം

Webdunia
വെള്ളി, 4 മാര്‍ച്ച് 2022 (15:13 IST)
Beeshma Parvam Review: ഒറ്റവാക്കില്‍ പറഞ്ഞാല്‍ ഉറപ്പായും തിയറ്ററുകളില്‍ കാണേണ്ട സിനിമാ അനുഭവമാണ് മമ്മൂട്ടിയുടെ ഭീഷ്മ പര്‍വ്വം. ബിഗ് ബിക്ക് ശേഷം അമല്‍ നീരദും മമ്മൂട്ടിയും ഒന്നിച്ചപ്പോള്‍ മറ്റൊരു സ്‌റ്റൈലിഷ് സിനിമയാണ് മലയാളത്തില്‍ പിറന്നിരിക്കുന്നത്. ഊഹിക്കാവുന്ന കഥാപരിസരങ്ങളിലൂടെ സിനിമ നീങ്ങുമ്പോഴും പ്രേക്ഷകനെ അതിശയിപ്പിക്കുന്നത് അമല്‍ നീരദ് എന്ന ക്രാഫ്റ്റ്മാന്റെ അടുക്കും ചിട്ടയുമുള്ള സ്‌റ്റൈലിഷ് മേക്കിങ്ങാണ്. 
 
ഫാമിലി ഡ്രാമയില്‍ നിന്ന് പക്കാ റിവഞ്ച് ഡ്രാമയിലേക്കുള്ള ട്രാക്ക് മാറ്റമാണ് ഭീഷ്മ പര്‍വ്വത്തെ തിയറ്ററുകളില്‍ മികച്ച സിനിമാ അനുഭവമാക്കുന്നത്. കൊച്ചിയിലെ അതിപുരാതനമായ അഞ്ഞൂറ്റി കുടുംബവും ആ കുടുംബത്തിന്റെ മുഴുവന്‍ ഉത്തരവാദിത്തവുമുള്ള മൈക്കിളും സിനിമയുടെ ശ്രദ്ധാകേന്ദ്രമാകുന്നു. ആ കുടുംബത്തിനുള്ളില്‍ തന്നെ അധികാര ശ്രേണിയില്‍ രണ്ട് വ്യത്യസ്ത ചേരികള്‍ രൂപപ്പെടുന്നു. അവര്‍ക്കിടയിലെ പടലപിണക്കങ്ങളും അതിന്റെ ഭൂതകാലത്തിലുള്ള പ്രതികാര കഥകളും രണ്ടര മണിക്കൂര്‍ ദൈര്‍ഘ്യം കൊണ്ട് സ്‌ക്രീന്‍ പകര്‍ത്തിയിരിക്കുകയാണ് അമല്‍ നീരദ്. 
 
ആദ്യ പകുതിയുടെ ആദ്യ 30 മിനിറ്റില്‍ പ്രേക്ഷകരെ ഞെട്ടിക്കുന്നത് മമ്മൂട്ടിയുടെ പ്രകടനം തന്നെയാണ്. അമല്‍ നീരദ്, അന്‍വര്‍ റഷീദ് തുടങ്ങിയവരുടെ ഫ്രെയ്മുകളിലേക്ക് എത്തുമ്പോള്‍ മമ്മൂട്ടിയില്‍ നിന്ന് ലഭിക്കുന്ന പ്രത്യേക ഊര്‍ജ്ജവും പ്രസരിപ്പും ഭീഷ്മ പര്‍വ്വത്തിന്റെ ആദ്യ പകുതിയില്‍ പ്രേക്ഷകര്‍ക്ക് വിരുന്നാകുന്നു. ആദ്യ പകുതി അരമണിക്കൂര്‍ പിന്നിടുമ്പോള്‍ സിനിമ പതിയെ സ്ലോ പേസിലേക്ക് മാറുന്നുണ്ട്. ക്യാരക്ടര്‍ ഡീറ്റെയ്ലിങ്ങിന് വേണ്ടിയെടുക്കുന്ന സമയമാണ് അത്. 
 
രണ്ടാം പകുതി പൂര്‍ണമായും റിവഞ്ച് ഡ്രാമയിലേക്ക് സിനിമ നീങ്ങുന്നു. സൗബിന്‍ ഷാഹിറിന്റെ പ്രകടനമാണ് രണ്ടാം പകുതിയില്‍ എടുത്തുപറയേണ്ടത്. പലപ്പോഴും മമ്മൂട്ടിക്കൊപ്പമോ അതിനു മുകളിലോ ഷോ സ്റ്റീലറാകുന്നുണ്ട് രണ്ടാം പകുതിയില്‍ സൗബിന്‍. രണ്ടാം പകുതി ഫാസ്റ്റ് ട്രാക്കിലാകുന്നതോടെ സമീപകാലത്ത് മലയാള സിനിമ കണ്ട ഏറ്റവും മികച്ച സ്‌റ്റൈലിഷ് സിനിമയാകുന്നുണ്ട് ഭീഷ്മ പര്‍വ്വം. 
 
സുശിന്‍ ശ്യാമിന്റെ സംഗീതമാണ് സിനിമയുടെ നട്ടെല്ല്. സിനിമ എല്ലാ അര്‍ത്ഥത്തിലും ഒരു തിയറ്റര്‍ അനുഭവമാകുന്നത് സുശിന്റെ പശ്ചാത്തല സംഗീതത്തിന്റെ ക്വാളിറ്റി കൊണ്ട് കൂടിയാണ്. 
 
റേറ്റിങ്: 3.5/5 
 
 
 
 

അനുബന്ധ വാര്‍ത്തകള്‍

വായിക്കുക

സുശാന്ത് ആത്മഹത്യ ചെയ്തത് തന്നെ, മരണത്തിൽ റിയയ്ക്ക് പങ്കില്ല; അന്തിമ റിപ്പോർട്ട് സമർപ്പിച്ച് കേസ് അവസാനിപ്പിച്ച് സിബിഐ

മലയാള സിനിമയുടെ അംബാസഡർഷിപ്പാണ് എന്റെ ഏറ്റവും വലിയ സ്വപ്നം, വൈറലായി പൃഥ്വിയുടെ വാക്കുകൾ

Mookkuthi Amman 2: നയൻതാരയും സുന്ദർ സിയും ഇടഞ്ഞു; മൂക്കുത്തി അമ്മൻ 2 നിർത്തിവെച്ചു? നയൻതാരയ്ക്ക് പകരം തമന്ന?

മീനാക്ഷിയുടെ പിറന്നാൾ ആഘോഷമാക്കി ദിലീപും കാവ്യയും; ചിത്രങ്ങൾ വൈറൽ

പയ്യയിൽ തമന്നയ്ക്ക് പകരം ആദ്യം കാസ്റ്റ് ചെയ്തത് നയൻതാരയെ; സംവിധായകൻ പറയുന്നു

എല്ലാം കാണുക

ഏറ്റവും പുതിയത്

സ്‌കൂള്‍ അധ്യാപകനെ നഗ്‌നമായ നിലയില്‍ കാട്ടില്‍ തൂങ്ങിമരിച്ച നിലയില്‍ കണ്ടെത്തി

ഒമ്പതാം ക്ലാസിലെ പരീക്ഷ കഴിയുന്നതിന് മുമ്പ് പത്താം ക്ലാസിലെ പാഠപുസ്തകങ്ങള്‍ വിദ്യാര്‍ത്ഥികളിലേയ്ക്ക്

ആരോഗ്യവകുപ്പിന് കീഴിലുള്ള ഐ.സി.എം.ആര്‍ ഗവേഷണ പ്രൊജക്ടില്‍ വിവിധ ഒഴിവുകള്‍

വിഴിഞ്ഞം മത്സ്യബന്ധന തുറമുഖ വികസനത്തിന് 271 കോടി രുപയുടെ പദ്ധതി

ആണവപദ്ധതി നിർത്തിവെയ്ക്കണമെന്ന യു എസ് താക്കീതിന് മിസൈൽ ശേഖരം കാണിച്ച് ഇറാൻ്റെ മറുപടി

അടുത്ത ലേഖനം
Show comments