ബിജുമേനോന്‍-സുരാജ് വെഞ്ഞാറമൂട് എന്നിവരെ പ്രധാനകഥാപാത്രങ്ങളാക്കി വിഷ്ണു നാരായണ്‍ സംവിധാനം ചെയ്യുന്ന ഫാമിലി ഫണ്‍ ഡ്രാമയായ നടന്ന സംഭവത്തിന്റെ റിലീസ് തീയ്യതി പ്രഖ്യാപിച്ചു. ജൂണ്‍ 21നാണ് സിനിമ റിലീസ് ചെയ്യുന്നത്. ബിജുമേനോന്‍, സുരാജ് എന്നിവര്‍ക്ക് പുറമെ ലിജോ മോള്‍,ജോണി ആന്റണി,ശൃതി രാമചന്ദ്രന്‍,സുധി കോപ്പ,ലാലു അലക്‌സ് എന്നിവരും സിനിമയിലെ മറ്റ് പ്രധാനവേഷങ്ങളിലെത്തുന്നു.
ഒരു വില്ലാ കമ്മ്യൂണിറ്റിയും അതിനകത്ത് നടക്കുന്ന രസകരമായ സംഭവങ്ങളെ പറ്റിയാണ് സിനിമ പറയുന്നത്. അനൂപ് കണ്ണന്‍ സ്റ്റോറിസീന്റെ ബാനറില്‍ അനൂപ് കണ്ണന്‍, രേണു എ എന്നിവര്‍ ചേര്‍ന്ന് നിര്‍മ്മിച്ച ചിത്രത്തിന് തിരക്കഥ ഒരുക്കിയിരിക്കുന്നത്. അങ്കിത് മേനോനാണ് സംഗീതം നിര്‍വഹിച്ചിരിക്കുന്നത്. ഒരു മെക്‌സിക്കന്‍ അപാരത എന്ന സിനിമയ്ക്ക് ശേഷം അനൂപ് കണ്ണന്‍ സ്റ്റോറീസിന്റെ ബാനറില്‍ വരുന്ന സിനിമയാണ് ഇത്.
