വിശാൽ പെട്ടെന്ന് സ്ത്രീകളിൽ വീഴും, കാമുകിമാരെ വിശ്വസിച്ച് പോയി പാവം; ചാർമിള പറയുന്നു

നടി ധൻസികയുമായുള്ള പ്രണയവും വിവാഹവും അടുത്തിടെയാണ് വിശാൽ പ്രഖ്യാപിച്ചത്. കുറച്ച് കാലമായുള്ള പ്രണയത്തിന് ശേഷമാണ് വിവാഹം. വിവാഹം ആ​ഗസ്റ്റ് മാസത്തിലാണെന്ന് ഇരുവരും വ്യക്തമാക്കിയിട്ടുണ്ട്. ഇപ്പോഴിതാ, വിശാലിനെക്കുറിച്ച് സംസാരിക്കുകയാണ് നടി ചാർമിള. വിശാൽ വിവാഹിതനാകുന്നതിൽ തനിക്ക് സന്തോഷമുണ്ടെന്ന് ചാർമിള പറയുന്നു. 

ധൻസിക നല്ല പെൺകുട്ടിയാണ്. ഒരു സിനിമയിൽ ധൻസികയ്ക്കൊപ്പം അഭിനയിച്ചിട്ടുണ്ട്. അധികം സംസാരിക്കാത്ത ആളാണ്. വിശാലും ധൻസികയും നല്ല ജോഡിയാണെന്ന് ചാർമിള പറയുന്നു. എത്ര ഹീറോകളുടെ പ്രണയങ്ങൾ പരാജയപ്പെട്ടിട്ടുണ്ട്. ചെറിയ പ്രായത്തിൽ വിവാഹം ചെയ്ത് ‍ഡിവോഴ്സ് ആകുന്നു. അതിനേക്കാൾ നല്ലത് ലോക കണ്ട് എല്ലാം മനസിലാക്കി വിവാഹം ചെയ്യുന്നതാണ്. പക്വതയുള്ള പ്രായത്തിലാണിപ്പോൾ വിശാൽ.

ധൻസികയും ചെറിയ കുട്ടിയല്ല. 37 വയസുണ്ട്. വെറുതെയുള്ള ആകർഷണത്തിനപ്പുറം ഒരു തുണ വേണം എന്ന് കരുതി അവർ ജീവിതം തുടങ്ങുകയാണ്. വിശാലിനെക്കുറിച്ച് വന്ന ​ഗോസിപ്പുകൾ ധൻസികയ്ക്ക് അറിയാം. പ്രണയ പരാജയങ്ങൾക്ക് കാരണം എന്താണെന്ന് എനിക്കറിയില്ല. ധൻസികയോട് ചോദിച്ചാൽ പറയും. തീർച്ചയായും അവൾ ചോദിച്ചിട്ടുണ്ടാകും. ഇത്രയും പേരെ പ്രണയിച്ചിട്ട് എന്തുകൊണ്ട് അവരെ വിട്ടുകളഞ്ഞു എന്ന്. വിശാൽ വിശദീകരണം കൊടുത്ത ശേഷമാണ് വിവാഹം നടക്കുന്നത്. വിശാൽ നൽകിയ മറുപടികൾ ബോധ്യപ്പെട്ടത് കൊണ്ടാണ് ധൻസിക വിവാഹത്തിന് തയ്യാറായതെന്നും ചാർമിള പറയുന്നു.

വിശാൽ വളരെ സോഫ്റ്റാണ്. സ്ത്രീകളിൽ പെട്ടെന്ന് വീഴാനുള്ള ചാൻസുണ്ട്. ​ഗമയുള്ള ആളല്ല. പ്രണയിച്ചവരെ വിശ്വസിച്ചു. എനിക്കറിയാവുന്നിടത്തോളം വിശാൽ ആരെയും കബളിപ്പിച്ചിട്ടില്ല. ഒരു സ്ഥാനത്തിരിക്കുന്ന ആളാണ് വിശാൽ. മറ്റുള്ളവരെ പറ്റിക്കില്ലെന്നും ചാർമിള പറയുന്നു.