ദീപിക പദുക്കോണിന് സിംഹാസനം നഷ്ടമായി, ബോളിവുഡില്‍ ഇനി പുതിയ രാജ്ഞി !

ബോളിവുഡില്‍ താരമൂല്യത്തിന്റെ കണക്ക് നോക്കുമ്പോള്‍ മുന്നിലാണ് നടി ദീപിക പദുക്കോണിന്റെ സ്ഥാനം. നടിയെ സിനിമയില്‍ എത്തിക്കണമെങ്കില്‍ കോടികള്‍ മുടക്കണം. എന്നാല്‍ ദീപികയ്ക്ക് മുന്നില്‍ മറ്റൊരു നടി എത്തിയിരിക്കുകയാണ്. അതും ബോളിവുഡില്‍ മറ്റൊരു സൂപ്പര്‍ നായിക. ആരാണെന്നല്ലേ ? മറ്റാരുമല്ല അത് ആലിയ ഭട്ടാണ്. 

പ്രമുഖ മീഡിയ കണ്‍സള്‍ട്ടന്റ് സ്ഥാപനമായ ഓര്‍മാക്‌സ് പുറത്തുവിട്ട ഡിസംബര്‍ മാസത്തെ പട്ടികയില്‍ ആലിയുടെ പേര് ഒന്നാമതാണ്.ആദ്യ പത്ത് സ്ഥാനങ്ങളില്‍ ഉള്ള നായികാ താരങ്ങളുടെ പേരാണ് പുറത്തുവിട്ടത്. ജനപ്രീതിയില്‍ ദീപികയെ പിന്തള്ളി ആലിയ ഒന്നാം സ്ഥാനത്ത് എത്തിയത് വലിയ നേട്ടമായാണ് കണക്കാക്കുന്നത്. ദീപിക രണ്ടാം സ്ഥാനത്തേക്ക് പിന്തള്ളപ്പെട്ടു. ആലിയുടെ കഠിനാധ്വാനത്തിന്റെ ഫലമാണ് ഇതെന്നാണ് ആരാധകര്‍ പറയുന്നത്. ജനപ്രീതിയുടെ കാര്യത്തില്‍ മൂന്നാംസ്ഥാനത്തുള്ളത് കത്രീന കൈഫാണ്.

കൈറ അദ്ധ്വാനി നാലാം സ്ഥാനത്ത് എത്തി.കൃതി സനോണും അടുത്ത സ്ഥാനം സ്വന്തമാക്കിയപ്പോള്‍ ആറാമത് ശ്രദ്ധ കപൂറും ഏഴാമത് രശ്മിക മന്ദാനയും എട്ടാമത് കരീന കപൂറുമാണ്. ഒമ്പതാമത് പ്രിയങ്ക ചോപ്രയും പത്താം സ്ഥാനം അനുഷ്‌ക ശര്‍മ്മയും സ്വന്തമാക്കി.