'പറഞ്ഞു തുടങ്ങിയാല്‍ പലരേയും കുറിച്ച് പറയേണ്ടിവരും',മറുപടി പറയാനുള്ള അവസരം ഉണ്ടാകുമെന്ന് ദിലീപ്

മലയാളത്തിന്റെ ജനപ്രിയ നായകനാണ് ദിലീപ്. ജീവിതത്തിലെ പ്രതിസന്ധിഘട്ടത്തില്‍ ഒപ്പം നിന്ന പ്രേക്ഷകരോട് നന്ദി പറയുകയാണ് നടന്‍. കഴിഞ്ഞ കുറേക്കാലമായി താന്‍ കടന്നുപോയ മാനസികാവസ്ഥയെക്കുറിച്ചും ദിലീപ് തുറന്നുപറയുന്നു. 

ഓരോ കുറ്റപ്പെടുത്തലും പരിഹാസവും കേള്‍ക്കുമ്പോള്‍ താന്‍ ദൈവത്തോടാണ് നന്ദി പറയുകയെന്നും ദൈവത്തില്‍ വിശ്വസിക്കുന്ന ആളാണ് താനെന്നും ദിലീപ്.'ദൈവത്തിന്റെ ഔദാര്യമാണ് എന്റെ ജീവിതം തന്നെ. എനിക്ക് മറുപടി പറയാനുള്ള ഒരു അവസരം അദ്ദേഹം എനിക്ക് തരും എന്നാണ് ഞാന്‍ വിശ്വസിക്കുന്നത്. സര്‍വ്വ ശക്തനായ ദൈവത്തിന്റെ അനുഗ്രഹം എനിക്കൊപ്പം എന്നുമുണ്ടെന്ന് എനിക്ക് തോന്നാറുണ്ട്. ഇപ്പോഴും കോടതിയിലിരിക്കുന്ന വിഷയമായതുകൊണ്ടുതന്നെ എനിക്ക് ഒന്നും തുറന്ന് പറയാന്‍ സാധിക്കില്ല. ഞാന്‍ പറഞ്ഞു തുടങ്ങിയാല്‍ പലരേയും, പലതിനേയും കുറിച്ച് പറയേണ്ടിവരും. അത് ഇപ്പോള്‍ ശരിയല്ല. പക്ഷേ ഞാന്‍ ഉറച്ച് വിശ്വസിക്കുന്നുണ്ട്, എനിക്കും മറുപടി പറയാനുള്ള അവസരം ഉണ്ടാകും. അന്ന് ഞാന്‍ എല്ലാം പറയും'-ദിലീപ് ഒരു അഭിമുഖത്തിനിടയില്‍ പറഞ്ഞു.

ജനപ്രിയനായകന്‍ വോയിസ് ഓഫ് സത്യനാഥന്‍ ദിലീപ് പ്രമോഷന്‍ തിരക്കുകളിലാണ്.കുടുംബ പ്രേക്ഷകരെ തിയേറ്ററുകളിലേക്ക് എത്തിക്കാന്‍ ഈ ദിലീപ് ചിത്രത്തിന് ആകുമെന്ന് പ്രതീക്ഷയിലാണ് ആരാധകരും. സിനിമയുടെ സെന്‍സറിംഗ് നടപടികള്‍ പൂര്‍ത്തിയായി.ക്ലീന്‍ യു സെര്‍ട്ടിഫിക്കറ്റ് ആണ് ലഭിച്ചിരിക്കുന്നത്. ജൂലൈ 14നാണ് റിലീസ്.