കാവ്യയും മീനാക്ഷിയും മഹാലക്ഷ്മിയും പിന്നെ ദിലീപും; പത്മസരോവരത്തില്‍ വന്‍ ഓണാഘോഷം

കുടുംബത്തോടൊപ്പം ഓണം ആഘോഷിക്കുന്ന സന്തോഷത്തിലാണ് ദിലീപ്. ഇത്തവണയും പത്മസരോവരത്തില്‍ തന്നെയാണ് ദിലീപിന്റെ ഓണാഘോഷം. ഭാര്യയും നടിയുമായ കാവ്യാ മാധവന്‍, മക്കളായ മഹാലക്ഷ്മി, മീനാക്ഷി എന്നിവര്‍ക്കൊപ്പമാണ് ദിലീപ് ഓണം ആഘോഷിക്കുന്നത്. വിഭവസമൃദ്ധമായ ഓണസദ്യയാണ് വീട്ടില്‍ ഒരുക്കിയിരിക്കുന്നത്. നാദിര്‍ഷ സംവിധാനം ചെയ്യുന്ന കേശു ഈ വീടിന്റെ നാഥന്‍ ആണ് ദിലീപിന്റേതായി റിലീസ് ചെയ്യാനിരിക്കുന്ന പുതിയ ചിത്രം. ഏറെ പ്രതീക്ഷയിലാണ് താനെന്ന് ദിലീപ് പറയുന്നു. ഒരുപിടി നല്ല സിനിമകളാണ് ദിലീപിന്റേതായി റിലീസ് ചെയ്യാനിരിക്കുന്നത്.