ദിലീപിന്റെ അടുത്ത റിലീസ്,'ബാന്ദ്ര' ഒക്ടോബറില്‍ ?

ഏറെ പ്രതീക്ഷയോടെ കാത്തിരിക്കുന്ന ആക്ഷന്‍-പാക്ക്ഡ് മലയാളം ചിത്രമാണ് 'ബാന്ദ്ര'. ദിലീപിനെ നായകനാക്കി അരുണ്‍ ഗോപി സംവിധാനം ചെയ്യുന്ന ചിത്രത്തില്‍ തമന്നയാണ് നായിക. സിനിമയുടെ ജോലികള്‍ വളരെ വേഗത്തില്‍ പുരോഗമിക്കുകയാണ്.

സെപ്തംബര്‍ 14 ന് മുഴുവന്‍ ഭാഗങ്ങളുടെയും ഷൂട്ടിംഗ് പൂര്‍ത്തിയാക്കും. തമന്ന ഉള്‍പ്പെടുന്ന ഒരു ഗാനരംഗത്തിന്റെ ചിത്രീകരണമാണ് ഇനി ബാക്കിയുള്ളത്. ഒക്ടോബറില്‍ റിലീസ് ചെയ്യാനാണ് നിര്‍മാതാക്കള്‍ തീരുമാനിച്ചിരിക്കുന്നത് എന്നാണ് വിവരം.

റിലീസ് ഇതുവരെയും നിര്‍മാതാക്കള്‍ ഔദ്യോഗികമായി പ്രഖ്യാപിച്ചിട്ടില്ല.അരുണ്‍ ഗോപി സംവിധാനം ചെയ്യുന്ന സിനിമയ്ക്ക് തിരക്കഥ ഒരുക്കുന്നത് ഉദയ്കൃഷ്ണയും ഛായാഗ്രഹണം ഷാജി കുമാറുമാണ്. സാം സിഎസാണ് ചിത്രത്തിന് സംഗീതമൊരുക്കുന്നത്. ബിഗ് ബജറ്റില്‍ ഒരുങ്ങുന്ന ചിത്രത്തിന്റെ എഡിറ്റര്‍ വിവേക് ??ഹര്‍ഷനാണ്.