ജെ സി ഡാനിയേൽ പുരസ്‌ക്കാരം ഹരിഹരന്

തിരുവനന്തപുരം: സംസ്ഥാന സർക്കാരിന്റെ പരമോന്നത ചലചിത്ര പുരസ്‌ക്കാരമായ ജെ‌ സി ഡാനിയേൽ പുരസ്‌ക്കാരം സംവിധായകൻ ഹരിഹരന്. മലയാള സിനിമയ്‌ക്ക് നൽകിയ സമഗ്രസംഭാവനയ്‌ക്കാണ് പുരസ്‌ക്കാരം.

പ്രമുഖ എഴുത്തുക്കാരൻ എംടി വാസുദേവൻ നായർ അധ്യക്ഷനായ സമിതിയാണ് ഇത്തവണത്തെ ജെ‌സി ഡാനിയേൽ പുരസ്‌ക്കാരത്തിന് ഹരിഹരനെ തിരഞ്ഞെടുത്തത്.

അഞ്ച് ലക്ഷം രൂപയും ശിൽപ്പവും പ്രശസ്തി പത്രവുമടങ്ങുന്നതാണ് പുരസ്കാരം. സംസ്ഥാന സര്‍ക്കാരിന്‍റെ പരമോന്നത ചലച്ചിത്ര പുരസ്കാരമാണ് ഇത്. ഒരു വടക്കൻ വീരഗാഥ,നഖക്ഷതങ്ങൾ,പഴശ്ശിരാജ,പരിണയം,നിർണയം ,സർഗ്ഗം തുടങ്ങി നിരവധി ചിത്രങ്ങൾ ഒരുക്കിയിട്ടുള്ള സംവിധായകനാണ് ഹരിഹരൻ.

ഒരു വടക്കൻ വീരഗാഥ,നഖക്ഷതങ്ങൾ എന്നീ ചിത്രങ്ങൾക്ക് ദേശീയ പുരസ്‌ക്കാരവും പഴശ്ശിരാജ,പരിണയം,നിർണയം ,സർഗ്ഗം എന്നീ ചിത്രങ്ങൾ സംസ്ഥാന ചലചിത്ര പുരസ്ക്കാരങ്ങൾക്കും തിരഞ്ഞെടുക്കപ്പെട്ടിട്ടുണ്ട്.