റോഷൻ ആൻഡ്രൂസിൻറെ അടുത്ത ചിത്രം ദുൽഖർ സൽമാനൊപ്പമാണ്. ബോബി-സഞ്ജയ് തിരക്കഥ ഒരുക്കുന്ന ചിത്രത്തിൽ പോലീസ് വേഷത്തിലാണ് ദുൽഖർ എത്തുന്നത്. ഈ ചിത്രത്തിൻറെ ഷൂട്ടിങ്ങിനായി കാത്തിരിക്കുകയാണ് താരം. സിനിമയ്ക്ക് മികച്ച തിരക്കഥയുണ്ടെന്നും അതിന്റെ ഷൂട്ടിംഗ് ആരംഭിക്കാൻ ആകാംക്ഷയോടെ കാത്തിരിക്കുകയാണെന്നും ദുൽഖർ ഒരു അഭിമുഖത്തിൽ പറഞ്ഞു.
റോഷൻ ആൻഡ്രൂസും ബോബി-സഞ്ജയും മുമ്പ് ചെയ്ത പൊലീസ് സിനിമ മുംബൈ പോലീസ് ആയിരുന്നു. ആ സിനിമ ബോക്സോഫീസില്‍ വിജയമാകുകയും ഏറെ നിരൂപക പ്രശംസ നേടുകയും ചെയ്ത ചിത്രമാണ്. അതിനാൽ തന്നെ ദുൽഖർ സൽമാന്‍റെ ഒരു പൊലീസ് സ്റ്റോറിക്കായി അവർ വീണ്ടും ഒന്നിക്കുമ്പോൾ ആരാധകർക്ക് വലിയ പ്രതീക്ഷയാണുള്ളത്. വേഫെയർ ഫിലിംസിന്റെ ബാനറിൽ ദുൽഖർ തന്നെയാണ് ചിത്രം നിർമിക്കുന്നത്.