മലയാളത്തിൽ പല മുൻനിര താരങ്ങൾക്കുംസ്വന്തമായി നിർമാണകമ്പനികളുണ്ട്, ആസിഫ് അലി,പ്രിഥ്വി തുടങ്ങിയ പല യുവതാരങ്ങളും നിർമാതാവ് കൂടിയായി നല്ല ചിത്രങ്ങൾ സമ്മാനിച്ചവരാണ്. ആ നിരയിലേക്ക് അവസാനം എത്തിയ താരമാണ് ദുൽഖർ സൽമാൻ. എന്നാൽ മറ്റുള്ളവരിൽ നിന്നും വ്യതസ്തമായി മലയാളികൾക്ക് അത്രയും പരിചയമില്ലാത്ത പേരിലാണ് ദുൽഖർ തന്റെ നിർമാണസംരംഭം ആരംഭിച്ചത്.
എന്നാൽ എന്ത്കൊണ്ട് വേഫെയറർ എന്ന പേര് എന്നതിന് ഉത്തരം തന്നിരിക്കുകയാണ് ദുൽഖർ ഇപ്പോൾ. യാത്രയോടുള്ള ഇഷ്ടമാണ് നിർമ്മാണകമ്പനിയുടെ പേരിലുള്ളതെന്നാണ് താരം പറയുന്നത്. മകൾ മറിയത്തിന്റെ കൈ പിടിച്ചു നിൽക്കുന്ന ദുൽഖറാണ് കമ്പനിയുടെ ലോഗോ.
വേഫെയറർ എന്നാൽ കാൽനടയായി പര്യവേഷണം നടത്തുന്ന ആൾ എന്നാണ് അർഥം. താൻ യാത്രയെ ഒരുപാട് സ്നേഹിക്കുന്നൊരു ആളായതിനാൽ ആ വാക്ക് തിരഞ്ഞെടുക്കുകയായിരുന്നു. ഇതൊരു പഴയ വാക്കാണ് പക്ഷേ ഇതിന്റെ സൗണ്ടിങ് ഒരുപാട് ഇഷ്ടപെട്ടു അങ്ങനെ തിരഞ്ഞെടുത്തതാണ് ദുൽഖർ പറഞ്ഞു.