തൊപ്പിക്കും ഷൈനിനും വരെ പെണ്ണായി, ഫേമസായിട്ടും തനിക്ക് ഇപ്പോഴും ഗേൾഫ്രണ്ടില്ലെന്ന് ആറാട്ടണ്ണൻ

ഒരൊറ്റ സിനിമയുടെ റിവ്യൂ നല്‍കി ശ്രദ്ധ നേടിയ സന്തോഷ് വര്‍ക്കി പിന്നീട് എല്ലാ പുതു സിനിമകളുടെയും റിലീസ് ദിവസം റിവ്യൂ പറഞ്ഞുകൊണ്ടാണ് സജീവമായത്.

മോഹന്‍ലാലിന്റെ ആറാട് എന്ന സിനിമ പുറത്തിറങ്ങിയപ്പോള്‍ നടത്തിയ ഒരു റിവ്യൂവിലൂടെ പ്രസിദ്ധനായ വ്യക്തിയാണ് സന്തോഷ് വര്‍ക്കി എന്ന ആറാട്ടണ്ണന്‍. ഒരൊറ്റ സിനിമയുടെ റിവ്യൂ നല്‍കി ശ്രദ്ധ നേടിയ സന്തോഷ് വര്‍ക്കി പിന്നീട് എല്ലാ പുതു സിനിമകളുടെയും റിലീസ് ദിവസം റിവ്യൂ പറഞ്ഞുകൊണ്ടാണ് സജീവമായത്. പലപ്പോഴും സന്തോഷ് വര്‍ക്കി സമൂഹമാധ്യമങ്ങളില്‍ പങ്കുവെയ്ക്കുന്ന പോസ്റ്റുകള്‍ ശ്രദ്ധ നേടാറുണ്ട്.

ഇപ്പോഴിതാ താന്‍ ഇത്രയും വൈറലായി മാറിയിട്ടും തനിക്കൊരു ഗേള്‍ഫ്രണ്ടിനെ ലഭിച്ചില്ലെന്ന പരിഭവം പറയുകയാണ് ആറാട്ടണ്ണന്‍. തൊപ്പിക്കും ഷൈന്‍ ടോം ചാക്കോയ്ക്കുമെല്ലാം പെണ്ണ് കിട്ടിയെന്നും ആറ് മാസം നിത്യമേനോന്റെ പുറകെ നടന്നിട്ടും കാര്യമുണ്ടായില്ലെന്നും സന്തോഷ് വര്‍ക്കി പറയുന്നു. എല്ലാം തുറന്നു പറയുന്നതിന്റെ പ്രശ്‌നമാണ്. കുറച്ച് കൂടി ഇമേജ് കോണ്‍ഷ്യസ് ആയിരുന്നെങ്കില്‍ നടന്നേനെ. തൊപ്പിക്കും ഷൈന്‍ ടോം ചാക്കോയ്ക്കും എല്ലാം ആയി. നമുക്ക് മാത്രം കിട്ടുന്നില്ല. സമൂഹമാധ്യമങ്ങളില്‍ വൈറലായി 2 വര്‍ഷമാകുന്നു. എന്നിട്ടും സുന്ദരിയായ ഒരു പെണ്‍കുട്ടി പോലും എന്റെ അടുത്ത് വന്നിട്ടില്ല. എല്ലാം തുറന്ന് പറയുന്നത് കൊണ്ടുള്ള പ്രശ്‌നമാണ്. സുന്ദരിയായ ഒരു പെണ്‍കുട്ടി ഗേള്‍ഫ്രണ്ടായി വന്നാല്‍ സന്തോഷമായേനെ. അങ്ങനെ ആരെങ്കിലും ഉണ്ടെങ്കില്‍ സമീപിക്കുക. സന്തോഷ് വര്‍ക്കി പറഞ്ഞു.