പാര്‍വതിയുടെ ചിത്രത്തിന്‍റെ പോസ്റ്റര്‍ മമ്മൂട്ടി പുറത്തിറക്കി, ജെ എന്‍ യുവിന്‍റെ പശ്ചാത്തലത്തില്‍ ‘വര്‍ത്തമാനം’

നടി പാര്‍വതിയുടെ പുതിയ ചിത്രം ‘വര്‍ത്തമാനം’ സംവിധാനം ചെയ്യുന്നത് സിദ്ധാര്‍ത്ഥ് ശിവയാണ്. ചിത്രത്തിന്‍റെ പോസ്റ്റര്‍ മമ്മൂട്ടി തന്‍റെ സോഷ്യല്‍ മീഡിയാ പ്ലാറ്റ്ഫോമുകളിലൂടെ ഷെയര്‍ ചെയ്‌തു. മമ്മൂട്ടിക്കൊപ്പം നിവിന്‍ പോളിയും ടോവിനോ തോമസും പോസ്റ്റര്‍ ഷെയര്‍ ചെയ്‌തിട്ടുണ്ട്.

ദേശീയ അവാര്‍ഡ് ജേതാവ് ആര്യാടന്‍ ഷൌക്കത്താണ് വര്‍ത്തമാനത്തിന് തിരക്കഥയെഴുതുന്നത്. സാമൂഹ്യ-രാഷ്ട്രീയ പശ്ചാത്തലത്തിലുള്ള ഒരു കഥയാണ് വര്‍ത്തമാനം വിഷയമാക്കുന്നത്.

ഫൈസ സൂഫി എന്ന കഥാപാത്രത്തെയാണ് വര്‍ത്തമാനത്തില്‍ പാര്‍വതി അവതരിപ്പിക്കുന്നത്. ഡല്‍‌ഹി ജെ എന്‍ യുവിലെ ഗവേഷണ വിദ്യാര്‍ത്ഥിനിയാണ് ഫൈസ സൂഫി. സമീപകാലത്ത് ജെ എന്‍ യു ദേശീയശ്രദ്ധയാകര്‍ഷിച്ച പല സംഭവങ്ങളുടെയും കേന്ദ്രമായിരുന്നു. ‘വര്‍ത്തമാനം’ സംസാരിക്കുന്നതും അതുതന്നെയാണ്.

റോഷന്‍ മാത്യു നായകനാകുന്ന ചിത്രത്തില്‍ സിദ്ദിക്ക്, സുധീഷ്, നിര്‍മ്മല്‍ പാലാഴി തുടങ്ങിയവരും അഭിനയിക്കുന്നു. അഴകപ്പനാണ് ചിത്രത്തിന്‍റെ ക്യാമറ. ഡല്‍ഹിയിലും ഉത്തരാഖണ്ഡിലുമാണ് വര്‍ത്തമാനം ചിത്രീകരിക്കുന്നത്.