വിഷ്ണു വിശാലും ഐശ്വര്യ ലക്ഷ്മിയും പ്രധാന വേഷങ്ങളിലെത്തുന്ന തമിഴ് ദ്വിഭാഷാ ചിത്രം 'ഗാട്ട ഗുസ്തി' ഒരുങ്ങുകയാണ്. സിനിമയിലും കേരളത്തില്‍ നിന്നുള്ള ഒരു പെണ്‍കുട്ടിയായി ഐശ്വര്യ അഭിനയിക്കുന്നു. കഥയില്‍ വലിയ പ്രാധാന്യമുള്ള കഥാപാത്രത്തെയാണ് നടി അവതരിപ്പിക്കുന്നതെന്ന് വിഷ്ണു വിശാല്‍ പറഞ്ഞു.
ഐശ്വര്യയുടെ കഥാപാത്രമാണ് കഥയെ മുന്നോട്ട് കൊണ്ടുപോകുന്നതെന്നും നടന്‍ കൂടി ചേര്‍ത്തു. നവദമ്പതികളായി വിഷ്ണു വിശാലും ഐശ്വര്യ ലക്ഷ്മിയും അഭിനയിക്കുന്നതിനിടെ ആ രംഗത്തെ കുറിച്ച് ഒരു അഭിമുഖത്തിനിടെ നടന്‍ തന്നെ പറഞ്ഞു.
'ഇത് കോമഡി നിറഞ്ഞ ഒരു രംഗമാണ്. തമിഴ് സിനിമയില്‍ ഞങ്ങള്‍ ഒരുപാട് ആദ്യരാത്രി രംഗങ്ങള്‍ കണ്ടിട്ടുണ്ടാകും, എന്നാല്‍ ഇത് അല്‍പ്പം വ്യത്യസ്തമായിരിക്കും,' വിഷ്ണു വിശാല്‍ പറഞ്ഞു.
