ബോളിവുഡ് താരം ഹൃത്വിക് റോഷനും നടിയും ഗായികയുമായ സബ ആസാദും വിവാഹിതരാകുന്നു. ഇരുവരും തമ്മിൽ പ്രണയത്തിലാണെന്ന വാർത്തകൾ നേരത്തെ തന്നെ പുറത്തുവന്നിരുന്നു.
ഇരുവരും കുടുംബത്തോടൊപ്പം അവധിദിനങ്ങൾ ആഘോഷിക്കുന്നതിൻ്റെ ചിത്രങ്ങൾ സമൂഹമാധ്യമങ്ങളിൽ പങ്കുവെച്ചിരുന്നു. ഇരുവരുടെയും കുടുംബങ്ങളുടെയും കൂടി അനുവാദത്തോടെയാണ് വിവാഹം. ഈ വർഷാവസാനം ഇരുവരുടെയും വിവാഹമുണ്ടാകുമെന്നാണ് റിപ്പോർട്ട്.
ആർഭാടങ്ങൾ ഒഴിവാക്കി അടുത്ത സുഹൃത്തുക്കളും കുടുംബാംഗങ്ങളുമാകും വിവാഹത്തിൽ പങ്കെടുക്കുക എന്നാണ് റിപ്പോർട്ട്. അതേസമയം ഈ വാർത്തകളോട് ഹൃത്വികും സബയും പ്രതികരിച്ചിട്ടില്ല.
