'ദയവായി അവരുടെ സമാധാനത്തെ ശല്യപ്പെടുത്തരുത്'; ലക്ഷദ്വീപിന്റെ ശബ്ദമായി ഗീതു മോഹന്‍ദാസ്

സേവ് ലക്ഷദ്വീപ് ക്യാംപെയിനിന്റെ ഭാഗമാക്കുകയാണ് നടി ഗീതു മോഹന്‍ദാസും. പൃഥ്വിരാജ് ലക്ഷദ്വീപുക്കാര്‍ക്ക് വേണ്ടി ശബ്ദമുയര്‍ത്തിയപ്പോള്‍ പുതിയ ഊര്‍ജമാണ് ക്യാംപെയിന് ലഭിക്കുന്നത്. ഞാന്‍ ലക്ഷദ്വീപിനൊപ്പം നില്‍ക്കുന്നു, സേവ് ലക്ഷദീപ് എന്നിങ്ങനെ കുറിച്ചുകൊണ്ടാണ് ഗീതു മോഹന്‍ദാസ് തന്റെ നിലപാട് വ്യക്തമാക്കിയത്.

'ലക്ഷദ്വീപിലാണ് മൂത്തോന്‍ ഷൂട്ട് ചെയ്തത് .എന്റെ ജീവിതത്തില്‍ കണ്ടിട്ടുള്ളതില്‍ വച്ച് ഏറ്റവും മനോഹരമായ ആളുകളുള്ള മാന്ത്രിക സ്ഥലങ്ങളില്‍ ഒന്ന്. അവരുടെ പരാതികള്‍ നിരാശാജനകവും യാഥാര്‍ഥവുമാണ്. ഞങ്ങളുടെ അഭിപ്രായങ്ങള്‍ കൂട്ടായി പറയുന്നതിനപ്പുറം ഒന്നും തന്നെ ചെയ്യാനാകില്ല . ദയവായി അവരുടെ സമാധാനത്തെ ശല്യപ്പെടുത്തരുത്, അവരുടെ ആവാസവ്യവസ്ഥയെയും നിരപരാധിത്വത്തെയും വികസനത്തിന്റെ തടസ്സപ്പെടുത്തരുത് . ഇത് ശരിയായ ചെവികളില്‍ എത്തുമെന്ന് ഞാന്‍ പ്രതീക്ഷിക്കുന്നു'-ഗീതു മോഹന്‍ദാസ് കുറിച്ചു