ആ നടനവൈഭവം സ്‌ക്രീനില്‍ കാണാന്‍ ഉടനെ സാധിക്കട്ടെ, ഒടിയന്‍ സംവിധായകന്റെ കുറിപ്പ്

ജഗതിശ്രീകുമാറിനെ പിറന്നാള്‍ ആശംസകളുമായി ഒടിയന്‍ സംവിധായകന്‍ വി.എ.ശ്രീകുമാര്‍ മേനോന്‍. അദ്ദേഹത്തിനെ വീണ്ടും സ്‌ക്രീനില്‍ കാണാനായി കാത്തിരിക്കുകയാണ് മലയാളം സിനിമ പ്രേമികളെ പോലെ ശ്രീകുമാറും

'ജന്മദിനാശംസകള്‍ ജഗതിച്ചേട്ടാ. എത്രയും പെട്ടെന്ന് സുഖം പ്രാപിക്കാന്‍ ജഗദീശ്വരന്‍ അനുഗ്രഹിക്കട്ടെ. ആ നടനവൈഭവം സ്‌ക്രീനില്‍ കാണാന്‍ ഉടനെ സാധിക്കട്ടെ എന്ന് പ്രാര്‍ത്ഥിക്കുന്നു'- ശ്രീകുമാര്‍ കുറിച്ചു.

1950 ജനുവരി അഞ്ചിനാണ് ജഗതി ജനിച്ചത്. എഴുപത്തിരണ്ടാം ജന്മദിനമാണ് ഇന്ന്. തിരുവനന്തപുരത്തെ വീട്ടില്‍ കുടുംബാംഗങ്ങള്‍ക്കൊപ്പമാണ് അദ്ദേഹത്തിന്റെ ഇത്തവണത്തെ പിറന്നാള്‍.