'സിനിമ കണ്ട് 3 ദിവസങ്ങള്‍ കഴിഞ്ഞിട്ടും സന്തോഷം';തീയേറ്റര്‍-ചിരി ആസ്വാദനം മിസ്സ് ആക്കരുതെന്ന് സംവിധായകന്‍ ജിസ് ജോയ്

നടന്‍ ഗണപതിയുടെ സഹോദരന്‍ ചിദംബരം എസ്.പി ആദ്യമായി സംവിധാനം മള്‍ട്ടിസ്റ്റാര്‍ ചിത്രമാണ് 'ജാന്‍.എ.മന്‍'. അര്‍ജുന്‍ അശോകന്‍, ബാലു വര്‍ഗീസ്, ബേസില്‍ ജോസഫ്, ഗണപതി, സിദ്ധാര്‍ത്ഥ് മേനോന്‍ എന്നിവരാണ് പ്രധാന വേഷങ്ങളില്‍ സിനിമ കണ്ട് 3 ദിവസങ്ങള്‍ കഴിഞ്ഞിട്ടും ഈ 'ജാന്‍.എ.മന്‍' നല്‍കിയ സന്തോഷത്തിന്റെ അനുരണനങ്ങള്‍ ഇപ്പോഴും ഉണ്ടെന്ന് സംവിധായകന്‍ ജിസ് ജോയി.

ജിസ് ജോയിയുടെ വാക്കുകളിലേക്ക് 

ഞാന്‍ കാണാന്‍ വൈകിപ്പോയി....അതുകൊണ്ട് ഒന്ന് പറഞ്ഞോട്ടെ, ഇനിയും ഈ ചിത്രം കാണാത്തവര്‍ ഒരു മികച്ച തീയേറ്റര്‍-ചിരി ആസ്വാദനം മിസ്സ് ആക്കരുത്. അത്രയേറെ ചിരിച്ചു.. കണ്ട് 3 ദിവസങ്ങള്‍ കഴിഞ്ഞിട്ടും ഈ സിനിമ നല്‍കിയ സന്തോഷത്തിന്റെ അനുരണനങ്ങള്‍ ഇപ്പോഴും ഉണ്ട്, അപ്പോള്‍ പിന്നെ ഇങ്ങനെ ഒരു പോസ്റ്റ് ഇട്ടേ തീരൂ എന്ന് മനസ്സ് പറയുന്നു. ജാനേമന്‍. ഒറ്റ വരിയില്‍ പറയട്ടെ - എല്ലാം നന്നായി വന്നിരിക്കുന്ന ഒരു ചിത്രം. പ്രിയപ്പെട്ട സുഹൃത്തുക്കള്‍ക്ക് എല്ലാ നന്മകളും നേരുന്നു. നിര്‍മ്മാതാക്കള്‍ക്കും. ചിദംബരം..