'കിരീടവും ചെങ്കോലും കാലം ചാര്‍ത്തിക്കൊടുത്തത് അതുകൊണ്ടൊക്കെയാവം'; മോഹന്‍ലാലിനെയും മഞ്ജുവിനെയും കുറിച്ച് സംവിധായകന്‍ ജിസ് ജോയ്

25 ഓളം പരസ്യ ചിത്രങ്ങള്‍ മോഹന്‍ലാലിനെ വെച്ച് ചെയ്യാന്‍ സംവിധായകന്‍ ജിസ് ജോയിക്ക് ഭാഗ്യമുണ്ടായി. അടുത്തിടെ കൊച്ചിയിലെ പരസ്യ ഒരു ചിത്രീകരണത്തിനായി മഞ്ജുവാര്യരുടെയും മോഹന്‍ലാലിനെയും ഒന്നിച്ച് ക്യാമറയ്ക്ക് മുന്നില്‍ കൊണ്ടുവരാന്‍ സംവിധായകനായി. 

'എന്ത് ചെയ്താലും അതില്‍ ഒരു അഴകുണ്ടാവും.. ആ ഗുരുത്വം രണ്ടു പേര്‍ക്കും ആദ്യചിത്രം മുതല്‍ ഉണ്ട്. എന്നാലും ഓരോ ഷോട്ട് കഴിയുമ്പോളും ആകാംക്ഷയോടുള്ള ഈ വിലയിരുത്തല്‍.. ചിലപ്പോഴൊക്കെ....ഒന്നുകൂടെ പോയിനോക്കിയാലോ എന്നുള്ള ചോദ്യം.. അറിയാവുന്ന ഒരു കല, അത് രാകി മിനുക്കുകയാണ് ഓരോ ദിവസവും. കിരീടവും ചെങ്കോലും കാലം ചാര്‍ത്തിക്കൊടുത്തത് അതുകൊണ്ടൊക്കെയാവം'- ജിസ് ജോയ് കുറിച്ചു.