‘ലൂസിഫർ കാണാൻ അക്ഷമനായി കാത്തിരിക്കുന്നു‘; ടീസർ പുറത്തിറങ്ങിയതിനു പിന്നാലെ കരൺ ജോഹർ !

വ്യാഴം, 13 ഡിസം‌ബര്‍ 2018 (16:05 IST)
പ്രിഥ്വിരാജ് മോഹൻലാലിനെ പ്രധാന കഥാപാത്രമാക്കി സംവിധാനം ചെയ്യുന്ന ലൂസിഫെർ എന്ന ചിത്രത്തെക്കുറിച്ചാണ് ഇപ്പോൾ സമൂഹ്യ മാധ്യമങ്ങൾ ചർച്ച ചെയ്യുന്നത്. ചിത്രത്തിന്റെ ആദ്യ ടീസർ ഇന്ന് പുറത്തുവന്നതോടെ ആരാധകർ വലിയ ആവേശത്തിലാണ്.  
 
മമ്മൂട്ടിയാണ് തന്റെ ഒഫീഷ്യൽ പേജിലൂടെ ടീസർ പുറത്തുവിട്ടത്. ഇതോടെ പോസ്റ്റുകളായും വാട്ട്സ്‌ആപ്പ് സ്റ്റാറ്റസുകളായും ടീസർ സാമൂഹ്യ മാധ്യമങ്ങളിലാകെ സ്ഥാനം പിടിച്ചു. ഉപ്പോഴിതാ ടീസർ കണ്ടശേഷം ചിത്രം കാണാൻ അക്ഷമനായി കാത്തിരിക്കുകയാണ് തൻ എന്ന് ബോളിവുഡ് സംവിധായകനും നിർമ്മാത്താവുമായ കരൺ ജോഹർ വ്യക്തമാക്കിയിരിക്കുകയാണ്. 
 
പ്രിഥ്വിരാജ് തന്റെ ട്വിറ്ററിലൂടെ പങ്കുവച്ച ടീസർ റീട്വീറ്റ് ചെയ്തുകൊണ്ടാണ് കരൺ ജോഹർ ഇക്കാര്യം തുറന്നുപറഞ്ഞത്. നിരവധി സിനിമ താരങ്ങളാണ് ചിത്രത്തിന് ആശംസകൾ നേർന്നുകൊണ്ട് രംഗത്തെത്തിയിരിക്കുന്നത്. മോഹൻലാലിനെ നായകനാക്കി പ്രിഥ്വിരാജ് ഒരു പൊളിറ്റിക്കൽ ത്രില്ലർ ഒരുക്കുന്നു എന്ന വാർത്ത പുറത്തുവന്നതോടെ അക്ഷമരായി കാത്തിരികുകയാണ് സിനിമ പ്രേമികൾ അതേ അവേശം സിനിമാ താരങ്ങളും പങ്കുവക്കുന്നു. 
 
ചിത്രത്തിന് മുരളി ഗോപിയാണ് തിരക്കഥ ഒരുക്കിയിരിക്കുന്നത്. ഇന്ദ്രജിത് സുകുമാരനും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. വിവേക് ഒബ്രോയി, ടൊവിനോ തോമസ് മഞ്ജു വാര്യർ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ആഷിർവാദ് സിനിമാസ് നിർമ്മിക്കുന്ന ചിത്രം അടുത്ത മാർച്ചിൽ വമ്പൻ റിലീസായി എത്തുമെന്നാണ് പ്രതീക്ഷിക്കപ്പെടുന്നത്. 

വെബ്ദുനിയ വായിക്കുക

അനുബന്ധ വാര്‍ത്തകള്‍

അടുത്ത ലേഖനം അദ്ദേഹം എന്‍റെ തോളത്ത് കൈ വച്ചു, പടപടാന്ന് എന്‍റെ നെഞ്ചിടിക്കാന്‍ തുടങ്ങി, ആദ്യമായിട്ട് പുറത്തുള്ളൊരാള്‍ എന്നെ തൊടുകയാണ് - ദിലീപിനെക്കുറിച്ച് നവ്യാ നായര്‍ തുറന്നുപറയുന്നു!