'കൈതി 2' ഇനിയും വൈകാന്‍ സാധ്യത, സംവിധായകന്‍ ലോകേഷിന് പറയാനുള്ളത് ഇതാണ്

2019 ദീപാവലിക്ക് പുറത്തിറങ്ങിയ കാര്‍ത്തിയുടെ ആക്ഷന്‍ ത്രില്ലര്‍ ചിത്രമാണ് 'കൈതി'. റിലീസിന് തൊട്ടുപിന്നാലെ സംവിധായകന്‍ ലോകേഷ് കനകരാജ് ചിത്രത്തിന് രണ്ടാം ഭാഗം ഉണ്ടാകുമെന്ന് വെളിപ്പെടുത്തിയിരുന്നു. വിജയുടെ മാസ്റ്ററിന് ശേഷം 'കൈതി 2 ആരംഭിക്കുമെന്ന് പ്രതീക്ഷിച്ചിരുന്നെങ്കിലും എന്നാല്‍ അതുണ്ടായില്ല. കാര്‍ത്തിയുടെ 'കൈതി 2'നെ കുറിച്ചുള്ള ചര്‍ച്ചകളിലാണ് സിനിമ ലോകം. ഒരു അപ്‌ഡേറ്റ് സംവിധായകന്‍ കൈമാറി.

താന്‍ അടുത്തതായി ഒരു സിനിമ ചെയ്യുന്നുണ്ടെന്നും അതിനുശേഷം കൈതി 2-വിലേയ്ക്ക് കടക്കുമെന്നും ലോകേഷ് പറഞ്ഞു.വിജയ് നായകനാകുന്ന ലിയോ, കൈതി പോലെയുള്ള ഒരു ചിത്രമായിരിക്കുമെന്നും വിദ്യാര്‍ഥികളോട് സംസാരിക്കുന്നതിനിടയില്‍ സംവിധായകന്‍ പറഞ്ഞു.

കാര്‍ത്തി, നരേന്‍, അര്‍ജുന്‍ ദാസ് എന്നിവര്‍ കേന്ദ്ര കഥാപാത്രങ്ങളായി എത്തുന്ന 'കൈതി 2'ന് വേണ്ടിയുള്ള കാത്തിരിപ്പിലാണ് സിനിമാലോകം.